هەواڵ

قاچاخچییانی مادەی هۆشبەری “شیشە” لە شاری “مەهاباد” لاوێكی كوردیان كوشتووە و تەرمەكەیان سووتاندووە.

هاوڵاتیەكی خەڵكی رۆژهەڵاتی كوردستان كە ماوەی 20 ساڵە دانیشتووی وڵاتی “دانمارك”ە، بە مەبەستی یارمەتیدانی خەڵكی ئاوارە‌و لێقەوماوی رۆژئاوای كوردستان كە لە كەمپەكانی باشووری كوردستان نیشتەجێن، 200 تۆن یارمەتی گەیاندووەتە ئەو كەمپانە.

2 كەسی دیكە لە زیندانی شیراز و كەسێكیش لە زیندانی ئەردەكان ئێعدام كران و بەم پێیە رێژەی ئێعدامەكان لەم مانگەدا گەیشتە 55 كەس.

كاربەدەستێكی كۆماری ئیسلامی باس لەوە دەكات، كە گەندەڵی ‌و دزیی بانكەكان لە ئێران 27% زیادی كردووە.

مستەفا هیجری، سكرتێری گشتی حیزبی دیموكراتی كوردستانی ئێران لە هەڤپەیڤینێكدا لەگەڵ هەفتەنامەی “رووداو” دەڵێت پرۆسەی یەكگرتنەوەی دوو لایەنی حیزبی دیموكرات درێژەی هەیە و بڕیارە بۆ باسكردن لەسەر وردەكارییەكانی ئەو پرۆسەیە لە داهاتوویەكی نزیكدا كۆبوونەوەیەكی هاوبەشی دەفتەری سیاسی دوو لایەنی حیزبی دیموكراتی كوردستان و حیزبی دیموكراتی كوردستانی ئێران بە بەشداری سكرتێرەكانیان بەڕێوەبچێت. هیوای خۆشی بە سەركەوتنی هەوڵەكانیان پیشاندەدا و دەڵێت تەنیا …

“ئەنجومەنی سەوزی چیا” بە دەركردنی بەیانیەیەك، بانگەوازی بەهاناوەچوونی كانیاوی “بڵ”ی دەركردووە و نیگەرانی خۆی سەبارەت بە مەترسی كاولكردنی ئەو كانیاوە مێژووییە دەربڕیوە.

ماڵی زیندانیەكی چالاكی سیاسی و زیندانی سیاسی پێشوو، كە لە لایەن دادگای كۆماری ئیسلامی لە شاری سنە وەكوو بارمتە گیرابوو، دەستی بەسەردا گیرا.

حوسێن یەزدانپەنا، جێگری سەرۆكی پارتی ئازادی بە سكاڵایەكی وەزارەتی پێشمەرگەی باشووری كوردستان دەبرێتە بەردەم دادگا و داوای لێپرسینەوە لەناوبراو دەكرێ بەرامبەر بەو كردەوەیەی ماوەیەك لەمەوبەر لە بەرەكانی شەر بەرامبەر بە كوژراوێكی “داعش” ئەنجامی داوە.

٩ هەزار پۆلی خوێندن لە قوتابخانەكانی پارێزگای “ورمێ”، لە هەبوونی كەرەستەی گەرمكردنەوەی ستاندارد بێبەرین.

حەفتەی رابردوو شكانی هێڵی لوولەی گواستنەوەی گازاییل لە ناوچەی “پۆل زا”‌ی لورستان كە بەشێكیشی دەكەوێتە باشووری ئیلام، دەیان هەزار لیتر لەو مادەیە رژاوەتە ناو چۆمی كەرخەوە.

بەڕێوەبەری‌ گشتیی‌ كاروباری‌ كۆمەڵایەتیی‌ پارێزگاریی‌ كرماشان وێڕای‌ ئاماژە بەوەی‌ كە ڕێژەی‌ منداڵانی‌ كار لە وەرزە جۆراوجۆرەكانی‌ ساڵدا جیاوازە، ژمارەی ئەو منداڵانەی‌ لەو پارێزگایەدا نیزیك بە 1500 كەس مەزندە كردووە.

پاش تیپەڕبونی نزیكەی دوو مانگ لە دەستگیركردنی هەڵسوڕاوی مەدەنی خەڵكی مەریوان، عەلی خوش نمەك، نیگەرانییەكان بۆ نادیاربوونی ئەو چالاكوانە روو لەزیاد بوون دەكات.

ژمارەیەك چالاكوانی مەدەنی‌و سیاسی كوردستان لەكەمپینێكدا بەناوی “كەمپینی یەكی بەفرانبار” داوا لەهەردوو حیزبی دیموكراتی كوردستانی ئێران‌و حیزبی دیموكراتی كوردستان دەكەن یەك بگرنەوە.

كاربەدەستانی كۆماری ئیسلامی باس لەوە دەكەن، ئێران 05% بازاڕی جگەرەی جیهانی بەدەستەوە و ساڵانە 60 میلیارد دانە جگەرە (سیگار) لە لایەن هاوڵاتیانی ئەو وڵاتەوە بەكاردەهێنرێت و 42% ی ئەو جگەرانەش بە شێوەی قاچاخ دێتە نێو ئەو وڵاتە و زیاتر لە 33% یشی لە ناوخۆ بەرهەم دەهێنرێت و هاوردەكردن، بەرهەمهێنانی هاوبەش و هۆكارە پیشەییەكانیش بەگشتی 25% ی بازاڕی جگەرەیان تایبەت بە …

ئێستاكە 40% ی كۆی گشتیی ناوەندە بەرهەمهێنەرەكانی شارۆچكە پیشەییەكانی كرماشان یان بەتەواوەتی داخراون و یا لە حاڵی داخران دان.

لە ماوەی ساڵەكانی ٨٤ هەتا ٩٢ هەزینەی خوراك و تێچووی گشتیی ژیانی خەڵك لە ئێرانی ژێر دەسەڵاتی كۆماری ئیسلامی بەڕیز٥٧٥% و ٤٩٠%  بەرز بوونەوەیان بەخۆوە بینیوە.