چوار شه‌ممه‌ 22 ئاب 2018
ماڵەوە / کوردستان / بەندكراوێكی مەدەنی كورد چارەنوسی نادیارە

بەندكراوێكی مەدەنی كورد چارەنوسی نادیارە

پاش تیپەڕبونی نزیكەی دوو مانگ لە دەستگیركردنی هەڵسوڕاوی مەدەنی خەڵكی مەریوان، عەلی خوش نمەك، نیگەرانییەكان بۆ نادیاربوونی ئەو چالاكوانە روو لەزیاد بوون دەكات.
بەپێی راپۆرتی كەمپینی بەرگری لە زیندانیانی سیاسی و مەدەنی، عەلی خۆش نمەك رۆژی 8ی سەرماوەزی ئەمساڵ لەلایەن هێزەكانی ئیتلاعاتی شاری مەریوان دەستگیركراوە‌و تا ئێستا چارەنوسی نادیارە.

كەسێكی نزیك لەو هەڵسوڕاوە مەدەنییە ئاشكرای كردوە كە ئەو لەسەرەتای گرتنیەوە تا ئێستا تەنیا جارێك توانیویەتی لەگەڵ بنەماڵەكەی لە ئیدارەی ئیتلاعاتی مەریوان لەڕێگەی تەلەفۆنەوە بۆ ماوەی یەك خولەك پەیوەندی هەبێت‌و لەو كاتەوە تائێستا بنەماڵەكەی هیچ هەواڵ‌و زانیارییەكیان لەسەر ناوبراو نیە.
بەپێی ئەو هەواڵە عەلی خۆش نمەك رەوانەی ئیدارەی ئیتلاعاتی شاری سنە كراوە‌و لەلایەن هێزەكانی ئیتلاعاتی ئەو شارەوە توشی ئەشكەنجە بووەتەوە.

بابەتی هاوپۆل

پەرە سەندنی هەوڵی خۆکوژی لە پارێزگای ئیلام

پارێزگای ئیلام لەساڵی ڕابردووی هەتاویدا زۆرترین ئاماری خۆکوژیەکانی ئێرانی لەخۆ گرتووە.لە ساڵی ٩٦ی هەتاوی زیاتر …