زاگرۆس پۆست
لە ماوەی ساڵەكانی ٨٤ هەتا ٩٢ هەزینەی خوراك و تێچووی گشتیی ژیانی خەڵك لە ئێرانی ژێر دەسەڵاتی كۆماری ئیسلامی بەڕیز٥٧٥% و ٤٩٠% بەرز بوونەوەیان بەخۆوە بینیوە.
مەجلیسی كۆماری ئیسلامی ئەو بابەتانەی وەك هۆكاری سەرەكیی دواكەوتنی بژێویی كرێكاران لە هەڵاوسانی ٢٥% ناودێر كراوە.
بەپێی ئەو راپۆرتە لەم ساڵانەی دواییدا دابەزینی توانای كڕیار، دابەزینی داواكاری و لەپاڵ ئەوەیشدا داكشانی خستنەڕوو، دەفرایەتیی بەرهەمهێنان و رادەی پیشە، راوەستانی پیشەسازی و هەڵكشانی هەڵاوسان بەهۆی قەیران و دابەزینی بایەخی دراوی ئێران لەو هۆكارە نەرێنییانەن كە بوونەتە هۆی دواكەوتنی كۆمەڵگەی كرێكاران لە ئێران.
هەر بەپشت بەستن بە ئامارەكانی ئەو راپۆرتە، تێچووی مانگانەی بنەماڵەیەكی كرێكاریی چواركەسی لە ٥٥٨ هەزار و ٥٧٥ تمەن لە ساڵی ٨٤ بۆ ٧٣٢ هەزار و ٥٨٧ تمەن لەساڵی ٩٢ بەرز بووەتەوە كە دەرخەری هەڵكشانی ٤٩٠% بووە.
هەروەها نێونجی هەزینەی مانگانەی خوراك لە ١٢٤ هەزار و ٨٣٢ تمەن لەساڵی ٨٤ بۆ ٧١٧ هەزار و ٨٠٦ تمەن لەساڵی ٩٢ گەیشتووە كە دەرخەری هەڵكشانی لەسەدا ٥٧٥ی تێچووی خوراك بووە. جیا لەوەیش تێچووی خانووبەرە ٣٦٠% هەڵكشاوە.
ئەو راپۆرتە بە دەرخستنی دوایین ئاماری بانكی ناوەندیی ئێران، نرخی هەڵاوسانی ١.٩% راگەیاندووە كە بەرزترین ئاستی ئەو نرخە لە یەك ساڵ و نیوی رابردوودایە.
