هەواڵ

بە پێی ئامارە فەرمیەكانی كۆماری ئیسلامی، تا ئێستا هەزار كەس لە دەستوپەیوەندەكانی ئەو حكومەتە لە كوردستان كوژراون.

“محەمەد هادی نەجەفی” پارێزەری “تەهمینە یوسفی” هەواڵی پەسەندكردنی حوكمی 7 ساڵ زیندانی كردنی باوكی “تەهمینە” بە هۆی تێزاو پرژاندن بە روومەتی كچەكەی، بە ناوبراو راگەیاند.

 لە درێژەی‌ گەندەڵییە مالیەكانی‌ حكومەتی‌ كۆماری ئیسلامی، ئەمجارە ئەم دیاردەیە‌ كرماشانیشی گرتەوە.

لە ماوەی 10 مانگی سەرەتای ئەمساڵ، زیاتر لە 2 هەزار عەمەلیاتی دۆزینەوە و دەستبەسەراگرتنی كەلوپەلی كاسبكاران لە پارێزگای ورمێ ئەنجام دراوە. بە پێی وتەی “شەهرام عەباسی” فەرماندەی هێزەكان سەر سنووری كۆماری ئیسلامی لە پارێزگای ورمێ، لە ماوەی 10 مانگی سەرەتای ئەمساڵدا زیاتر لە 2 هەزار عەمەلیاتی هێرش بۆ سەر كاسبكاران كە ئەو بە (قاچاقخچی) ناوی لێ بردوون، بە مەبەستی دۆزینەوە …

چالاكێكی كرێكاریی خەڵكی شاری سنە ئەمڕۆ بانگهێشتی دادگا كرا.

كرێكارانی شیركەتی (ناوروود) لە كارخانەی پیترۆشیمیی مەهاباد، بە نیشانەی ناڕەزایەتی دەربڕین بە وڵامنەدانەوەی بەرپرسی ئەو شیركەتە لەمەڕ مووچەی وەدواكەوتوویان، مانیان گرتووە.

فەخرەدین فەرەجی زیندانی سیاسی كورد لە زیندانی “تەبەس” كە بە مەبەستی ئەنجامدانی نەشتەرگەریی “دیسكی كەمەر” رەوانەی دەرەوەی نەخۆشخانە كرابوو، بە بێ ئەوەیكە نەشتەرگەریی بۆ ئەنجام بدرێ گەڕێندرایەوە بۆ زیندان.

دەوڵەتی ئیسلامی ناسراو بە “داعش” رۆژی شەممە 11ی مانگی رێبەندان بە بڵاو كردنەوەی گرتەیەكی ڤیدیۆیی “كێنجی گۆتۆ” هەواڵنێریی “ژاپۆن”ی كە بە بارمتە گیرابوو، سەربڕیوە.

دوو كۆڵبەری كورد، لە ناوچە سنوورییەكانی نێوان شاری پیرانشار و هەرێمی كوردستان، بەهۆی سەرما و سۆڵەوە رەق هەڵاتن.

لە سەرەتای ئەمساڵەوە بەردەوام ئامارگەلێكی دژ بە یەك سەبارەت بە نرخی بێكاریی لە پارێزگای سنە بڵاو كراوەتەوە، بەجۆرێ كە ناوەندی ئاماری بێكاریی ئەو پارێزگایە باس لە هەبوونی 12% بێكاری دەكات و پارێزگار دەڵێ رێژەی بێكاریی پتر لە 28% دەبێت.

شەپۆلی كۆكردنەوەی ماهوارە و كەرەستەی پەیوەندیدار بە ماهوارە، لە لایەن هێزەكانی كۆماری ئیسلامی لە شارە جیاجیاكانی كوردستان بەردەوامەم.

ژمارەیەك لە بێژەر و كارمەندە دێرینەكانی “تیشك تی ڤی” سەر بە “حیزبی دیموكراتی كوردستانی ئێران” لە روونكردنەوەیەكدا باس لە داخرانی كاناڵەكەیان دەكەن.

شەوی پێنجشەممە 9ی مانگی رێبەندان لە كێوەكانی “مەشرەف” سەر بە ئاوایی باخان سەر بە شاری مەریوان 2 لاوی خەڵكی ئەو ئاواییە بە ناوەكانی “ئێقباڵ شەریفی و ئیبراهیم تام” دم و چاویان بریندار و رەوانەی نەخۆشخانەی شارەكە كران.

لە شەڕ‌و پێكدادانەكانی ئەمرۆ هەینی 10ی مانگی رێبەندان ‌و شەوی رابردوو لە ناوچەی كەركوك ژمارەیەك پێشمەرگە گیانیان بەخت كرد و بریندار بوون، بەڵام تا ئێستا ژمارەی كوژراو‌و بریندارەكانی چەكدارانی داعش ئاشكرا نەكراوە.

پێشنوێژی ورمێ راگرتنی ماهوارە لە بنەماڵەكاندا بە یەكێك لە سەرەكیترین هۆكاری بێ غیرەتی لە نێو بنەماڵەكاندا دەزانێت.

رێكخراوی چاودێری دۆخی ئازادی و دێموكراسی لە جیهاندا رایگەیاند كە ئاستی ئازادی لە جیهاندا جێگای نیگەرانییە و ئێران وەك هەمیشە یەكێك لە خراپترین وڵاتانی جیهان لە بواری ئازادیدا ناسێندراوە.