زاگرۆس پۆست
لە سەرەتای ئەمساڵەوە بەردەوام ئامارگەلێكی دژ بە یەك سەبارەت بە نرخی بێكاریی لە پارێزگای سنە بڵاو كراوەتەوە، بەجۆرێ كە ناوەندی ئاماری بێكاریی ئەو پارێزگایە باس لە هەبوونی 12% بێكاری دەكات و پارێزگار دەڵێ رێژەی بێكاریی پتر لە 28% دەبێت.
بە پێی راپۆرتی ماڵپەڕی حكومەتیی مێهر، بێكاریی لە پارێزگای سنە كۆتایی بۆ نیە و دەبێ وێڕای دۆخی نیگەرانی خولقێنی كەمی كار و پیشە لەو پارێزگایەدا، دەبێ تێ ڕوانینێكی تایبەتمان سەبارەت ئامارە دژ بە یەكەكانی بەرپرسان و كاربەدەستانی پارێزگاكە هەبێت.
نزیكەی 2 مانگ پێش ئێستا ناوەندی ئاماری ئێران دۆخی بێكاریی نزیكەی 16% راگەیاندبوو و لە نوێترین ئاماریشدا ئەو رێژەیە نزیكەی 12% بەراوەرد كردووە، بەڵام لە بەرانبەردا پارێزگاری سنە باس لەوە دەكات.
لە هەمان كاتدا “عەبدولمحەمەد زاهێدی” پارێزگاری سنە دەڵێ: نرخی بێكاریی 12% هەڵەیە و نرخێ بێكاریی ئێستا 28.1% دەبێت و بەداخەوە ئەم بەشە تووشی قەیران بووە.
لە لایەكی دیكەوە، سەرۆكی رێكخراوی پیشەسازیی، كان و بازرگانیی پارێزگای سنە دەڵێ: بە پێی دوایین هەڵسەنگاندنەكان ئێستاكە 60 تا 70% لە یەكە بەرهەمهێنەر و پیشەییەكانی ئەو پارێزگایە یا داخراون یان بە شێوەی نیوە چالاك كار دەەن.
جێگای باسە: 4 پارێزگای رۆژهەڵاتی كوردستان لەوانە “ئیلام، كرماشان، سنە و ورمێ” لە ئاستی ئێراندا و لە بواری كێشە و كەم و كۆڕیە كۆمەڵایەتیەكاندا لە پلەكانی یەكەمدان و هەمیشە لە لایەن كاربەدەستان و ئۆرگانە حكومەتییەكانەوە بە چاوێكی ئەمنیەتیەوە سەیر دەكرێن و وێڕای ئەوەیكە كوردستان سروشت و خاكێكی دەوڵەمەندی هەیە، بەڵام بە پێی پێویست و گونجاو لە لایەن حكومەتەوە ئاوڕی لێنادرێتەوە و بەشێكی زۆر لە هاوڵاتییانی رۆژهەڵاتیی روو دەكەنە باشووری كوردستان و لە دۆخێكی تاقەت پڕوكێندا كار دەكەن و تەنانەت وەكوو بێكار، ناویان لە ئامارەكانی ئێراندا تۆمار ناكرێت.
