پێنج شه‌ممه‌ 9 نیسان 2020
ماڵەوە / سیاسی / زیندانیەكی سیاسی كورد بە بێ نەشتەرگەریی پزیشكی گەڕێندرایەوە بۆ زیندان

زیندانیەكی سیاسی كورد بە بێ نەشتەرگەریی پزیشكی گەڕێندرایەوە بۆ زیندان

فەخرەدین فەرەجی زیندانی سیاسی كورد لە زیندانی “تەبەس” كە بە مەبەستی ئەنجامدانی نەشتەرگەریی “دیسكی كەمەر” رەوانەی دەرەوەی نەخۆشخانە كرابوو، بە بێ ئەوەیكە نەشتەرگەریی بۆ ئەنجام بدرێ گەڕێندرایەوە بۆ زیندان.

بە پێی راپۆرتی كۆمەڵەی چالاكانی مافی مرۆڤ لە ئێران، رۆژی دووشەممە 6ی مانگی رێبەندان “فەخرەدین فەرەجی” لە نێو زیندانی “تەبەس”ەوە گواسترایەوە بۆ نەخۆشخانەی شاری بیرجەند و بڕیاربوو نەشتەرگەریی پزیشكی بە مەبەستی نەخۆشی دیسكی كەمەر بۆ ئەنجام بدرێت، بەڵام رێكەوتی رۆژی چوارشەممە 8ی رێبەندان بە بێ ئەوەی نەشتەرگەری بۆ ئەنجام بدرێت گەڕێندراوەتەوە بۆ نەخۆشخانە.

دەوترێ كاربەدەستانی زیندان ئامدە نەبوون بڕی 6 میلیۆن تمەن بۆ نەخۆشی “فەخرەدین فەرەجی” ئەنجام بدەن و هەر بەو بۆنەوە گەڕاندوویانەتەوە بۆ نەخۆشخانە. ئەمەش لەحاڵێكدایە، كە زیندانیان هەموویان لە ژێر چاودێریی بیمەی دەرمانیدان و وەرگرتنی پارە بۆ چارەسەریی نەخۆشی بە پێچەوانەی رێساكانە. لە ئاكامدا “فەخرە” داوای وەرگرتنی مەرەخەسی دەرمانی كردووە، تا خۆی بە شێوەی شەخسی سەردانی پزیشكی بكات و نەخۆشیەكەی چارەسەر بكات.

فەخرەدین فەرەجی، 2 مانگ پێش ئێستا بڕیاربوو بە دانانی بارمتەی 200 میلیۆن تمەنی بە شێوەی كاتیی مەرەخەسی پێ بدرێت، بەڵام وێڕای ئەوەیكە مەرەخەسی پێ نەدراوە، گواستراوەتەوە بۆ قەرەنتینەی بەشی نەخۆشە ئیلتیابیەكان (عفونی).

شایانی باسە، “فەخرەدین فەرەجی” ساڵی 1390ی هەتاویی هاوڕێ لەگەڵ “محەمەد حسێن رەزایی (خوسرۆ)، چەنگیز قەدەم خێری و ئەیوب ئەسەدی” لە لایەن هێزەكانی كۆماری ئیسلامی لە نزیك شاری سنە بە تۆمەتی ئەندامیەت لە “كۆمەڵەی زەحمەتكێشانی كوردستان” دەستگیر كران.

فەخرە فەرەجی خەڵكی ئاوایی “لەنجاوا” سەر بە شاری مەریوان بە 25 ساڵ زیندان دوور خرانەوە بۆ زیندانی تەبەس، محەمەد حسێن رەزایی (خوسرۆ) خەڵكی شاری دیواندەرە، بە 30 ساڵ زیندان و دوورخرانەوە بۆ زیندانی میناب، چەنگیز قەدەم خێری خەڵكی شاری كامیاران بە 40 ساڵ زیندان و دوور خرانەوە بۆ زیندانی مەسجد سولەیمان و ئەیوب ئەسەدی خەڵكی شاری مەریوان بە 20 ساڵ زیندان دوورخرانەوە بۆ زیندانی كاشمەر حوكم دران.

بابەتی هاوپۆل

ابتلا ۵۰ زندانی سیاسی زندان مرکزی ارومیه به ویروس کرونا و وحشت رژیم از شورش زندانیان

شمار زیادی از زندانیان و از جمله ۵۰ زندانی سیاسی زندان مرکزی ارومیه به ویروس …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.