زاگرۆس پۆست
“محەمەد هادی نەجەفی” پارێزەری “تەهمینە یوسفی” هەواڵی پەسەندكردنی حوكمی 7 ساڵ زیندانی كردنی باوكی “تەهمینە” بە هۆی تێزاو پرژاندن بە روومەتی كچەكەی، بە ناوبراو راگەیاند.
بە پێی راپۆرتی سەرچاوەكانی هەواڵ، “محەمەد هادی نەجەفی پارێزەری تەهمینە یوسفی وتی: لە لقی 102ی دادگای تاوانەكانی قەزوین سەبارەت بە پرژاندنی تێزاو بە روومەتەكەی بەدواداچوونی ئەنجام داوە و قازیی ئەو لقە بە سەرنج بە هەستیار بوونی دۆسیەكە و بە وردبینی زۆرەوە لە ئاكامدا نزیكەی یەك مانگ پێش دەنگی خۆی راگەیاندووە.
ناوبراو لە درێژەدا دەشڵێ: لەم یەك مانگەدا كە دەنگەكە راگەیەندراوە، تۆمەتبار خوازیاری پێداچوونەوە بووە، كە لە ئاكامدا دادگای پێداچوونەوە دەنگە سەرەتاییەكەی پشتڕاست كردەوە.
نەجەفی وتیشی: بە مەبەستی پەسەندكردنی دادگای سەرەتایی لە لایەن دادگای پێداچوونەوە باوكی تەهمینە بە 7 ساڵ زیندان و دانی پارەی دیەی كچەكەی مەحكوم كراوە.
تەهمینە یوسفی ئەو كچە 29 ساڵ تەمەنیە كە پاش ئەوەیكە مێردی كرد بە پیاوێكی گیرۆدە بە مادەهۆشبەرەكان، خوازیاری جیا بوونەوە بوو و بۆ ئەو مەبەستە سەردانی دادگای كرد. بەڵام كاتێك كە باوكی لەو باتە ئاگادار بوو پێی راگەیاند، كە ئەگەر نەگەڕیتەوە لای مێردەكەت بەرەوڕووی مەرگ دەبیتەوە.
تەهمینە دەڵێ: ئەو هەڕەشەیە باوكم گوێ پێ نەدا تا ئەوەیكە، رۆژێك كە گەڕامەوە بۆ ماڵی خۆمان، باوكم و برا 22 ساڵ تەمەنەكەم تێزاویان بە روومەتمدا پرژاندووە.
تەهمینە لە درێژەدا باس لەوە دەكات، كە كاتێ رۆیشتوومەتە ماڵەوە براكەم دەست و پای منی گرتووە و باوكیشم تێزاوی بە روومەتمدا كردووە و پاش 20 خولەك رۆیشتوومەتە روویشتوومەتە نێو حمام و كاتێ كە باوكم چاوی پێم كەوتووە بە براكەمی وتووە كە ئەو زیندووە و دەبێ بیكوژین.
ئەو هەروەها دەڵێ: كاتێ باوكم هاتووە كە یەكسەر بمكوژێ داوام لێ كردووە كە وازم لێ بهێنێت و من سكاڵای لەسەر تۆمار ناكەم، هەر ئەو كاتە تەلەفۆنیان بۆ برا گەورەكەم كردووە و گواستمیانەوە بۆ نەخۆشخانەی ئەبوعەلی سینای شاری قەزوین و چارەسەری پزیشكیان بۆ كردووە.
شایانی باسە، ئەمساڵیش شەپۆلێكی تێزاو پرژاندن بە روومەتی كچان و ژنان لە زۆربەی شارە گەورەكانی ئێران و بەتایبەت لە ئیسفەهان دەستی پێ كرد و هەمووان لەسەر ئەو بڕوایەدان، كە تاوانبارانی ئەو چەشنە كردەوانە لە ژێر كاریگەرییەكانی بڕیارە حكومەتیەكان و كەسایەتیە ئایینیەكانی سەر بە كۆماری ئیسلامی، بە مەبەستی جێبەجێ كردنی فتوای “ئەمری بە مەعروف و نەهی لە مونكر” ئەنجام دەگرێت.
