چوار شه‌ممه‌ 22 ئاب 2018
ماڵەوە / کوردستان / داخران و نیوە چالاك بوونی 40% ی ناوەندە بەرهەمهێنەرەكانی كرماشان

داخران و نیوە چالاك بوونی 40% ی ناوەندە بەرهەمهێنەرەكانی كرماشان

ئێستاكە 40% ی كۆی گشتیی ناوەندە بەرهەمهێنەرەكانی شارۆچكە پیشەییەكانی كرماشان یان بەتەواوەتی داخراون و یا لە حاڵی داخران دان.

بەرپرسی بەڕێوەبەرانی بەشی پیشەی كرماشان كە رێكەوتی ١٨ی بەفرانباری ١٣٩٣ی رایگەیاندووە، كە  لە ماوەی شەش مانگی رابردوودا زیاتر لە ١٥ هێكتار لەو زەویەكان وا لە لایەن شیركەتی شارەكە پیشەیەكانی كرماشان دراونەتە هاووڵاتیان، لێیان وەرگیراونەتەوە.

زۆربەی بەرهەمی كارگەكانی پارێزگای كرماشان بەرووبومی شیمیایی و خۆراكییان هەیە، كە  ئێستاكە لەگەڵ قەیرانی جیدیی بەرەوڕوو بوونەتەوە.

سەرەڕای وەرگرتنەوەی بەشێكی زۆر لەو زەویەكان كە دراونەتە داواكاران و پیشەسازان؛ بەڕێوەبەری گشتیی شیركەتی شارەكە پیشەیەكانی كرماشان لە هەواڵێكدا رایگەیاند كە شارۆچكەی پیشەیی “قەسری شیرین” لەم رۆژانەدا دەست بە كار دەبێت كە ئەو هەنگاوەیش بەپێی دۆخی ئێستا كارێكی پاساو هەڵنەگر و هیچ پاساوێكی ئابووریی بۆ نییە.

ئەگەری داسەپاندنی گەمارۆی زیاتر دژی كۆماری ئیسلامی ئێران لەلایەن كۆماریخوازەكانی كۆنگرەی ئامریكا و دابەزینی لە رادەبەدەری نرخی نەوت هەتا 45 دوڵار لە بازارەكانی جیهان لە پاڵ هەڵاواردنی ئابووری و ئیمكاناتی هەمیشەیی بووەتە هۆی ئەوەیكە پارێزگا كوردنشینەكان لە ریزی یەكەمی پارێزگا هەژارنشینەكانی ئێراندا جێ بگرن و لە ئێستاشدا زۆربەی كارگە بەرهەمهێنەرەكانی 4 پارێزگای كوردنشینی “ئیلام، كرماشان، سـنە وئورمیە” داخراون یان لە حاڵی داخران دان.

بابەتی هاوپۆل

پەرە سەندنی هەوڵی خۆکوژی لە پارێزگای ئیلام

پارێزگای ئیلام لەساڵی ڕابردووی هەتاویدا زۆرترین ئاماری خۆکوژیەکانی ئێرانی لەخۆ گرتووە.لە ساڵی ٩٦ی هەتاوی زیاتر …