هەواڵ

33 زیندانیی لە بەندیخانەی ناوەندیی شاری “مەهاباد” راگیراون، كە بە گشتی هەموویان بە پتر لە 100 ساڵ زیندان و یەك كەسیشیان بە زیندانی هەتا هەتایی مەحكوم كراون.

سەرلەبەیانی ئەمڕۆ 2 كەس لە شاری شیراز و كەسێك لە پارێزگای كرماشان لەسێدارە دران و رۆژی چوارشەممەی رابردووش كەسێك لە زیندانی شاری ساری لەسێدارە دراوە.

رۆژنامەی “مردم امروز” (خەڵكی ئەوڕۆ) كە لە شاری تاران چاپ دەكرێ، بە بڕیاری لقی 2ی دادگای فەرهەنگ و راگەیاندن داخرا.

لە ماوەی 9 مانگی سەرەتای ساڵی 1393ی هەتاویی زیاتر لە 5 هەزار كەس لە پارێزگای “كرماشان” بەهۆی دزی كردن دەستگیر كراون.

دەستڕاگەیشتن و بەكارهێنانی ئینتێرنێت لە پارێزگای “ئیلام” 38.98 راگەیەندراوە و نێوەنجی ئاماری گشتیی ئێرانیش 53.29 دیاریی كراوە، كە بەو پێیە نزیكەی 15% بەكارهێنانی ئینتێرنێت لە ئیلام لە نێوەنجی گشتیی كەمترە.

زیندانیەكی “ئەلحەق”ی كورد كە لە زیندانی ناوەندیی زاهیدان گواستراوەتەوە، بە هۆی ئەوەیكە ئیزنی نەداوە سمێڵی لە لایەن كاربەدەستانی زیندانەوە بتراشرێت، ماوەی 9 رۆژە گواستراوەتەوە بۆ ژووری تاكەكەسی و لەوێ دەستی داوەتە مانگرتن لە خواردن.

لقی رێكخراوی ئیهاد لە شاری ئامەدی باكووری كوردستان سەبارەت بە دۆخی زیندانیانی نەخۆش لە زیندانەكانی توركیە كۆنفرانسێكی هەواڵنێرییان بەڕێوە برد.

فەرماندی یەكەی 33 هێزی تۆپخانەیی كۆماری ئیسلامی ئێران رایگەیاند، كە هێزێكی تۆپخانەییەكان لە پارێزگای سنە لە سنوورەكانی ئێران لەگەڵ عێراق، بڵاوەپێكردووە.

لە ماوەی رۆژانی كۆتایی ساڵدا، مەیدانی گازیی باریكەی بیجاڕ لە پارێزگای “ئیلام” پتر لە 150 كرێكاری خۆی لە بەشی خزمەتگوزاریی دەر دەكات.

پاش عەمەڵیاتی بەرینی دژە تێرۆریستی لە وڵاتی “بێلژیك” لە پەیوەند لەگەڵ تێرۆریسمی ئیسلامی، دۆخی ئەو وڵاتە بە ئاستێكی زۆر ئەمنیەتی كراوەتەوە.

بەرپرسانی ژینگەپارێزی پارێزگای “ورمێ” باس لەوە دەكەن، كە لە ماوەی 9 مانگی رابردوودا زیاتر لە 170 راوچییان لەو پارێزگایەدا دەستگیر كردووە.

سەرۆكی پۆلیسی یەكێتی ئوروپا “یۆرۆپۆڵ” رایگەیاند: نزیكەی 5 هەزار هاوڵاتی ئوروپایی چوونە ریزی گروپە چەكدارە توندڕەوەكانەوە.

كێشەی بژێویی ژیان لەنێو بنەماڵەكانی شاری “پیرانشار” بووە هۆی ئەوەیكە ٥٠٠ قوتابیی ناوەندی واز لە خوێندن بێنن.

جگە لە خوێندكاران، ژنانێك كە لە ماڵەوە كار دەكەن و سەربازان، 35 هەزار بێكار لە پارێزگای “ئیلام” بوونی هەیە.

بڵاوبوونەوەی ئەو كتێبە ئایینییانەی هزری توندڕەوی بڵاو دەكەنەوە و هانی لاوان دەدەن لە گرووپە چەكدارەكان نزیكببنەوە، لە باشووری كوردستان  روویان لە زیادبوون كردووە و بەرپرسانی حكومەتیش بە ڤایرۆسێكی خەوتووی دەزانن و بەخەبەرهاتنیشی بە كارەسات و كاریگەر بۆ سەر كۆمەڵگا وەسف دەكەن، وەزارەتی رۆشنبیری پێیوایە ئەو دیاردەیە لە دەسەڵاتی ئەوان چووەتە دەرەوە.

زیندانیەكی سیاسی كورد بە هۆی پەیوەندیی لەگەڵ راگەیاندن و میدیاكاندا 15 رۆژ دەخرێتە ژووری تاكەكەسیەوە.