ماڵەوە / کوردستان / دەستگیركردنی زياتر له 170 راوچی لە پارێزگای “ورمێ”

دەستگیركردنی زياتر له 170 راوچی لە پارێزگای “ورمێ”

بەرپرسانی ژینگەپارێزی پارێزگای “ورمێ” باس لەوە دەكەن، كە لە ماوەی 9 مانگی رابردوودا زیاتر لە 170 راوچییان لەو پارێزگایەدا دەستگیر كردووە.

بە وتەی ئەو بەرپرسانە، زیاتر لە 50 هەزار چەكی مۆڵەت پێدراو و بێ مۆڵەت لە دەستی خەڵكدایە، كە لە چاو ژمارەی ئاژەڵە كێوییەكان زۆر زیاترە و ئەمەش لەحاڵێكدایە، لە ماوەی رابردوودا دەیان چەكی راوچییەكانیش لە پارێزگای ورمێ دەستیان بەسەرداگیراوە.

ماوەیەك لەوەپێشیش ژمارەیەك راوچی و كەسی هەلپەرستی سەر بە ناوەندی بەسیجی كۆماری ئیسلامی لە چیاكانی “چغماد” لە سەر رێگای “ئیسلام ئاباد” بەرەو “گیلان غەرب” لە پارێزگای كرماشان دەستیان داوەتە راوكردنی جانەوەران و پەلەوەران و لە هەوڵی تێكدانی رواڵەتی سروشتی ناوچەكەن.

شایانی باسە، ناوچە كوێستانیەكانی “زاگرۆس” كە 12 پارێزگای ئێران و رۆژهەڵاتی كوردستان دەگرێتە بەر، شوێنێكی دڵڕفێن و جوانە و لە سروشتی هەرە رازاوەی كوردستان دێتە ژەمار كە ژمارەیەكی زۆر حەیوان و پەلەوەر و جانەوەریدەگمەن و كەم وێنەی لەخۆ گرتووە و كەسانی هەلپەرەست و چەكداری كۆماری ئیسلامی لە هەوڵی تێكدانی ئەو سروشتە دڵڕفێنن.

بابەتی هاوپۆل

بەوێنە.. لەشارەکانی بانە و پیرانشار مانگرتنی گشتیی راگەیەنرا

لەپاش بڵاوبوونەوەی بانگەوازی مانگرتنی گشتیی لەشاری بانە بە بۆنەی داخستنی بازاڕچە سنورییەكان لەلایەن بەرپرسانی عێراق‌و …