زاگرۆس پۆست
پاش عەمەڵیاتی بەرینی دژە تێرۆریستی لە وڵاتی “بێلژیك” لە پەیوەند لەگەڵ تێرۆریسمی ئیسلامی، دۆخی ئەو وڵاتە بە ئاستێكی زۆر ئەمنیەتی كراوەتەوە.
بە پێی راپۆرتی هەواڵنێریی فەرانسە، وتەبێژێكی دادستانیی بێلژیك دەڵێ: لە ئاكامی عەمەڵیاتی بەرینی پۆلیسی لە دژی رەوتە ئیسلامیە تێرۆریستەكان 2 كەس كوژراون و 13 كەسی دیكەش دەستگیر كراون.
لە لایەكی دیكەشەوە 14 كەس بە گومانی پەیوەندیی لەگەڵ جیهادگەرا ئیسلامیەكان لە وڵاتانی فەرانسە و ئاڵمان دەستگیر كران.
دادستانیی بێلژیك دەڵێ: وێڕای بە گرنگ زانی دەستگیر كردن و كوشتنی ئەو تێرۆریستانە، ئامانجی ئەوانی كوشتنی هێزەكانی پۆلیس لە شوێنە گشتییەكان و پایەگاكاندا بووە و باس لەوەش دەكات ، كە بەم چەشنە نە تەنیا كاكڵەی تێرۆر بەڵكوو تۆڕی پشتیوانی لەوانیش لەنێوچووە.
ئێریك فان لە درێژەدا دەڵێ: ئەو تێرۆریستانە تەنیا چەند كاتژمێر لەگەڵ ئەنجامدانی كردەوەی تێرۆریستی مەودایان هەبووە و لە كاتی دەستگیركردنی ئەو كەسانەدا، رێژەیەكی زۆر چەكی كڵاشینكۆف، كەرەستەی تەقینەوە و جلی پۆلیسی دۆزراوەتەوە.
هەواڵنێریی ئاسۆشیتێد پرێس باس لەوە دەكات، كە فەرانسە و ئاڵمان ئەمڕۆ هەینی 26ی مانگی بەفرانبار، 14 كەسیان بە هۆی هاوكاریی لەگەڵ داعش دەستگیر كردووە و وێستگەیەكی مێترۆ لە پاریس پێتەختی وڵاتی فەرانسەش بە گومانی هەرەشەی تێرۆریستی چۆڵ كرا.
پۆلیسی بێلژیك ئەو هێرشە دژە تێرۆریستیەی بە گەورەترین عەمەلیاتی مێژووی ئەو وڵاتە جیهادگەرایی وەسف كردووە و بەو بۆنەوە شەوی پێنجشەممە بە هێرشێكی نهێنی بۆ سەر ئیسلامیەكان 2 كەسیان كوشتووە و كەسێكی دیكەشیان لە شاری ورویە لەو وڵاتە دەستگیر كردووە.
ئەم عەمەلیاتە پاش هێرشە تێرۆریستیەكەی 2 هەفتە لەوەپێشی پاریس هاتە ئاراوە، كە بەو بۆنەوە ژمارەیەك كاریكاتۆریست و پێرسۆنێلی هەفتانامەی تەنزامێزی شارلی ئەبدۆ، پۆلیس و هاوڵاتیانی فەرانسەوی گیانیان لەدەستدا و 3 ئەنجامدەری ئەو كردەوەیەش كوژران.
