یه‌ك شه‌ممه‌ 16 كانونی یه‌كه‌م 2018
ماڵەوە / کوردستان / مانگرتنی زیندانیەكی “كرماشان”ی پاش گواستنەوە بۆ ژووری تاكەكەسی

مانگرتنی زیندانیەكی “كرماشان”ی پاش گواستنەوە بۆ ژووری تاكەكەسی

زیندانیەكی “ئەلحەق”ی كورد كە لە زیندانی ناوەندیی زاهیدان گواستراوەتەوە، بە هۆی ئەوەیكە ئیزنی نەداوە سمێڵی لە لایەن كاربەدەستانی زیندانەوە بتراشرێت، ماوەی 9 رۆژە گواستراوەتەوە بۆ ژووری تاكەكەسی و لەوێ دەستی داوەتە مانگرتن لە خواردن.

بە پێی راپۆرتی كۆمەڵەی چالاكانی مافی مرۆڤ لە ئێران، “ئەمیر رەجەبی”هاوڵاتیی كوردی خەڵكی شاری كرماشان و پێڕۆی ئایینی “ئەلحەق”  و زیندانیەكی ئاسایی كە لە زیندانی ناوەندیی زاهیدان لە 9 رۆژی پێش ئێساوە، بە هۆی پێشگرتن لە تاشینی سمێڵی گواستراوەتەوە بۆ ژووریی تاكەكەسی قەرەنتینەی زیندان و لەوێ دەستی داوەتە مانگرتن لە خواردن.

ناوبراو كە پێشتریش لە بەندی ئەو زیندانیانە راگیرابوو، كە لە نێو زیندان كار دەكەن و لەبەرانبەر كاركردنەكەیاندا مەرەخەسیی وەردەگرن، بە تۆمەتی كڕین و فرۆشتنی مادەهۆشبەرەكان مەحكوم كراوە.

یەكێك لە كەسوكاری ناوبراو دەڵێ: سمێڵ لە نێوان هاوڵاتیانی ئەلحەق زۆر گرنگە. تایبەت بە ئایینەكەمانە. لە راستیدا لەم بابەتە خۆش نابین. چوونكە ئەمە بەشێك لە بنەماكانی ئێمەیە و ئەمیر ئەگەر بە هۆی مانگرتن لە خواردنیش گیانی لەدەست بدات، ئامادە نیە سمێڵی لاببات.

ئەمەش لەحاڵێكدایە، كە ئەو زیندانیە لە دەست كێشەی ددان و رێخۆڵەوە ئازار دەچێژێرت و درێژەدان بەو دۆخە بۆی مەترسیدارە.

بابەتی هاوپۆل

ڕێوڕەسمی پەردەلادان لە سەر پەیکەرەی شاعیری ناوداری شاری سنە

ڕۆژی هەینی لە سەیرانگای “خێرەزنە” لە شاری سنە ، پەردە لەسەر پەیکەرەی شاعێری ناوداری ئەو …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.