هه‌ینی 14 كانونی یه‌كه‌م 2018
ماڵەوە / ئێران / “شارلی ابدۆ” بووە هۆی داخرانی رۆژنامەیەك لە تاران

“شارلی ابدۆ” بووە هۆی داخرانی رۆژنامەیەك لە تاران

رۆژنامەی “مردم امروز” (خەڵكی ئەوڕۆ) كە لە شاری تاران چاپ دەكرێ، بە بڕیاری لقی 2ی دادگای فەرهەنگ و راگەیاندن داخرا.

“محەمەد قوچانی” سەرنووسەری ئەو رۆژنامەیە بوو و ئەحمەد سەتاری بەڕێوەبەرایەتی ئەو رۆژنامەی لە ئەستۆ بوو.

قوچانی لە وتووێژێك لەگەڵ ماڵپەڕی حكومەتیی ئیلنا وتی: داخرانی ئەو رۆژنامەیە پشتڕاست كردەوە، بەڵام دەڵێ دوایی لەوبارەوە وردەكاریی زۆرتر دەخاتە روو. ماڵپەڕی تەسنیم لە زاری ناوبراو نووسیویەتی، داخرانی ئەو رۆژنامەیە بە بڵاوكردنەوەی هەواڵ لە پەیوەند لەگەڵ گۆڤاری فەرانسەویی “شارلی ئەبدۆ” بووە.

“حسێن ئینتزامیی” جێگری راگەیاندنی وەزارەتی ئیرشاد، ئەوڕۆ و پێش داخرانی ئەو رۆژنامەیە بە بڕیاری دادگا، بە ماڵپەڕی ئیرنای راگەیاندبوو، كە رۆژنامەی “مردم امروز” بەهۆ بڵاوكردنەوە و مانشێتی پشتیوانی لە رۆژنامەی شارلی ئەبدۆی فەرانسە كە 2 هەفتە پێش ئێستا كرایە ئامانجی تێرۆریستیی رەوتە ئیسلامیەكان و بەو هۆیەوە 12 رۆژنامەوان و كاریكاتۆریست گیانیان لەدەستدا، دیاریی كرابوو، هوشدارمان دایە لیژنەی چاودیچریی بەسەر چاپەمەنیەكاندا.

رۆژنامەی “مردم امروز” رۆژی سێشەممەی هەفتەی رابردوو بە بڵاوكردنەوەی وێنەی “جۆرج كۆلۆنی” و دانانی مانشێتی “كۆلۆنی: منیش شارلیم” بڵاو كرایەوە.

شایانی باسە، دروشمی “منیش شارلیم” بۆ دەربڕینی پشتیوانی و هاوخەمیی لەگەڵ قوربانیانی رووداوە تێرۆریستیەكەی فەرانسەیە، كە ئەو كردەوەیە تا ئێستا لە لایەن چەندین بەرپرسی كۆماری ئیسلایمەوە بە پیرۆز ناوبراوە و نمونەكانیشیان پێشنوێژی تاران و وتەبێژی وەزارەتی دەرەوەی ئەو حكومەتە بووە.

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.