یه‌ك شه‌ممه‌ 16 كانونی یه‌كه‌م 2018
ماڵەوە / کوردستان / بەرزبوونەوەی 27% ی دزیی بانكداریی لە كۆماری ئیسلامی

بەرزبوونەوەی 27% ی دزیی بانكداریی لە كۆماری ئیسلامی

كاربەدەستێكی كۆماری ئیسلامی باس لەوە دەكات، كە گەندەڵی ‌و دزیی بانكەكان لە ئێران 27% زیادی كردووە.

سەرۆكی پۆلیس ئاگاهیی هێزی ئینتزامی دەڵێ لە 10 مانگی سەرەتای ئەمساڵ لە چاو ساڵی ڕابردوو گەندەڵی‌و دزیی بانكی 27%، كەین‌و بەین لە مامەڵە دەوڵەتییەكان 20% و داگیركردنی زەویش زیاتر لە 40% زیادی كردوە.

“محەممەدڕەزار موقیمی” وێڕای ئاماژە بەو بابەتە بەڵام رادەی گەندەڵییە لەقاودراوەكان لە ماوەی 10 مانگی سەرەتای ئەمساڵی ئاشكرا نەكردوە، بەڵام لادان و گەندەڵییە ماڵییەكان لە نیزامی كۆماری ئیسلامی بۆتە یەكێك لە پێخۆرەكانی ڕاگەیاندن‌و میدیا لە ئێران‌و دەرەوەی وڵاتە.
جێی بیرهێنانەوەیە كە عەلی تەیب نیا، وەزیری كاروباری ئابووری و دارایی ئێران، ڕۆژی 15 سەرماوەز گەندەڵییەكی ماڵی بە بڕی 12 میلیارد تمەن لە تۆڕە بانكییەكاندا لەقاو داو گوتی تاوانبارانی ئەم پەروەندەیە ئێستا دەسبەسەر كراون.

نوێترین ڕاپۆرتی ڕێكخراوی ڕوونبێژیی نێودەوڵەتی، لەم ساڵدا نیشانی دا كە ئێران لە نێو 175 وڵاتی جیهان و ناوچەدا، لە پلەی 136مین پێوەری جیهانیی گەندەڵی دایە، كە لە چاو ساڵی پێشوو تا ئاستێكی كەم باشتر بووە.

شایانی باسە، لە سەردەمی سەركۆماری مەحكوود ئەحمەدی نژاد، لە ساڵی 2009ی زایینی، پێوەری گەندەڵیی ئێران گەیشتە خراپترین ئاستی خۆی و لە پلەی 168 لە ئاستی جیهان‌دا جێی گرت.

بابەتی هاوپۆل

ڕێوڕەسمی پەردەلادان لە سەر پەیکەرەی شاعیری ناوداری شاری سنە

ڕۆژی هەینی لە سەیرانگای “خێرەزنە” لە شاری سنە ، پەردە لەسەر پەیکەرەی شاعێری ناوداری ئەو …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.