هەواڵ

گوشاری سەر زیندانیانی سیاسی زیندانی ناوەندیی ورمێ (دەریا) پەرەی سەندووە و كاربەدەستان هیچ كام لەو بەڵێنانەی كە بۆ كۆتایی هێنان بە مانگرتن لە خواردنی زیندانیان دابوویان، جێبەجێیان نەكردووە.

ترس و دڵەڕاوكێی كۆماری ئیسلامی بە بۆنەی هاتنی سەری ساڵی نوێ و جەژنی نەورۆز، وایكردوەو كە هەموو شارەكانی رۆژهەڵاتی كوردستان و ئێران بە تەواوەتی میلیتاریزە بكرێن.

17 خوێندكاری كژی زانستگەی ئەدەبیاتی زانكۆی رازیی كرماشان بانگهێشتی حەراسەت كران و ئەم بانگهێشت كردنەش، ناڕەزایی خوێندكارانی بەدواوە بوو.

بە مەبەستی بەشداریكردنیان لە جەژنی نەورۆز و سەری ساڵی 2715ی كوردی، لە رۆژانی رابردوودا 156 هەزار هاونشتیمانیی رۆژهەڵاتی و ئێرانی لە سنوورەكانی باشووری كوردستانەوە، روویان لەو بەشەی كوردستان كردووە.

لە هێرشی چەند چەكدارێكی نەناسراو بۆ سەر هێزەكانی مێرساد (لقی عەمەلیاتیی هێزە ئینتزامییەكان” لە شاری سەرباز لانیكەم 5 كەس كوژران.

ماڵپەڕی كاناڵی هەواڵی فاكس نیوزی ئەمریكا چەند وێنەیەكی لە ئارشیوی پەیوەندیدار بە سەفەری ساڵی 2009ی سەردار نەقدی فەرماندەی بەسیجی ئێران بۆ ڤێنۆزوێلا و چاوپێكەوتن لەگەڵ هۆگۆ چاوێز سەرۆك كۆماری ئەوكاتێ ئەو وڵاتەی بڵاو كردووەتەوە.

“مەیسەم رودەكی” پەنابەری سیاسی ئێرانی دانیشتووی وڵاتی توركیە، رۆژی دووشەممە ئاگادار لە رێگای پۆلیسی ئەمنیەتیی توركیەوە، نامەی رەت كرانەوەی داواكاریی پەنابەریەتی وەرگرتووە.

پەیكەرتاشێكی ناوداری خەڵكی شاری سنە بۆ جارێكی دیكە، پیشانگایەكی بۆ یادی كارەساتی شیمیایی بارانی شاری حەڵەبجە كردەوە.

تەقینەوەی مین لە شاری قەسری شیرین بووە هۆی گیانلەدەستدانی هاوڵاتییەكی كورد.

جێگری خوێندكاریی زانكۆی نازلوی ورمێ رایگەیاند، حەراسەتی ئەو زانكۆیە بە هۆی نەبوونی حجاب نزیكەی 40 خوێندكاری كچیان بانگهێشت كراون و بەڵێنیان لێ وەرگیراوە و 10 خوێندكاری دیكەش بەرەوڕووی سزای ئینزباتیی بوونەتەوە.

بە وتەی وتەبێژی ئۆرژانسی ئێران، رووداوەكانی شەوی چوارشەممە سووریی تا نیوەشەوی 26ی رەشەممە 2 كوژراو و 38 برینداری لێكەوتووەتەوە و هەر لەو پەیوەندەشدا هێزە ئینتزامییەكانی كۆماری ئیسلام بە توندی دەستیان داوەتە سەركوتی ئەو خەڵكی سەرقاڵی شادی و سەما و ئاگر كردنەوە بوون.

ئەحمەد شەهید، رێپۆرتێری تایبەتی رێكخراوی نەتەوە یەكگرتووەكان بۆ كاروباری مافی مرۆڤ لە ئێران، رایگەیاند كە دۆخی مافی مرۆڤ لە ئێراندا لە دەورانی سەركۆماری حەسەن رۆحانی “خراپتر” بووە و لە سەرەتای ساڵی نوێی زایینییەوە هەتا ئێستا زیاتر لە ٢٠٠ كەس لە وڵاتە لە سێدارە دراون.

رۆژی شەممە 23ی مانگی رەشەممە هێزەكانی كۆماری ئیسلام لە ناوچەی رمیدان پاش ئەوەیكە ئۆتۆمبیلی هاوڵاتییەكی بەلوچ دەدەنە بەر دەستڕێژیی گوللە، شاگردی شۆفیرەكە بە ناوی “راشد پەناهەندە” خەڵكی ئاوایی سەنگان سەر بە دەشتیاری كوژراوە و تەرمی ناوبراویان هەر لەو شوێنە و لە ژێر بەرد بەجێهێشتووە.

كۆڵبەرێكی دیكی كوردی خەڵكی شاری مەریوان بە دەستی هێزەكانی كۆماری ئیسلامی گیانی لەدەستدا.

چالاكێكی سیاسی ناوداری شاری مەهاباد لە لایەن هێزەكانی كۆماری ئیسلامیەوە دەستگیر و راپێچی شوێنێكی نادیار كرا.

ناوەندە ئەمنیەتییەكانی كۆماری ئیسلامی لە شاری سنە چالاكێكی سیاسی‌و مەدەنیی ئەو شارەیان دەستگیر كرد.