هەواڵ

ئیدارەی پاراستنی ژینگەی شاری نەغەدە باس لە كۆچی زیاتر لە 3 هەزار قازی بۆر بەرەو تاڵاوەكانی شاری نەغەدە كردووە.

رێكخراوی ئەمنیەتی نێوخۆیی ئاڵمان رایگەیاند، تا ئێستا 70 ژنی ئاڵمانی بە گرووپی جیهادیی داعشەوە پەیوەست بوون، كە لەو رێژەیە 28 كەسیان كەمتر لە 25 ساڵ تەمەنیان هەیە و 9 كەسیشیان تەمەنیان ژێر 18 ساڵە.

ژمارەیەك لە شۆفیر تاكسیەكان لە ناڕەزایی بە زۆر نەكردنی ئاستی كرێیەكانیان، لە بەردەم شورای شاری ئیلام كۆبوونەوەیەكی ناڕەزایی دەربڕینیان سازدا و خوازیاری بەدواداچوونی خواستەكانیان بوون.

5 زیندانی سیاسیی كورد و زیندانیەكی یارسان، كە زیاتر لە یەك مانگە كە زیاتر لە یەك مانگە لە زیندانی ناوەندیی ورمێ (دەریا) گواستراونەتەوە بۆ شوێنێكی نادیار، هەتا ئێستاش هیچ هەواڵێ سەبارەت بە چارەنووسیان نادیارە.

شیركەتی نەوتی “شلومبرژە”بە هۆی هاوكاری لەگەڵ حكومەتی ئێران، لەلایەن ئامریكاوە بە بڕی ٢٣٢میلیۆن دوڵار جەریمە مەحكووم كرا.

زیندانیەكی سیاسی كورد رایدەگەیەنێ لە رۆژی داهاتووەوە دەست دەداتە مانگرتن لە خواردن.

كاربەدەستێكی دەوڵەتیی لە “كومیتەی ئیمداد”ی پارێزگای ئیلام باسی لەوە كردووە، كە بەگشتی 8 هەزار و 954 منداڵی بێ سەرپەرەست لەو پارێزگایە بوونی هەیە، كە 6 هەزار و 17 كەسیان كچن و بەداخەوە دەوڵەت زۆر بە كەمتەرخەمی و بێ بایەخیەوە لە دۆخی ژیانیان دەڕوانێت.

3 كەسی دیكە لە زیندانی وەكیڵ ئابادی مەشهەد ئێعدام كران.

خەڵاتی ساڵی 2014 ی گۆرانیبێژی ناوداری كورد “محەمەد ماملێ” لە ڕێوڕەسمێكدا لە شاری «هاگن»ی وڵاتی ئاڵمان پێشكەش بە گۆرانیبێژی كورد “زۆزان گولەر” كرا.

وەزارەتی دەرەوەی ئەمریكا جەخت لەسەر ئەوە دەكاتەوە، كە بۆردومان كردنی مۆڵگەكانی داعش لەلایەن فڕۆكە جەنگییەكانی هاوپەیمانانەوە لە تكریت، لەسەر داوای عێراق بووە.

بەندكراوێكی كوردی خەڵكی شاری بۆكان كە ماوەی 5 ساڵ لە بەندیخانەی شاری ڕەشت لە دەستبەسەری دابوو، پاش ئەوەی كە لە دۆسیەكەی خۆی هیوا بڕ بووە بە بڕینی شادەماری دەستی كۆتایی بەژیانی خۆی هێناوە.

7 كەس لە زیندانی عادڵ ئابادی شاری شیراز لەسێدارە دران.

پیشانگای خەڵك ناسی سەبارەت بە ناوچە كوردستانیەكانی رۆژهەڵاتی كوردستان، لە چوارچێوەی پیشانگای بەرهەمە دارییەكانی “عوسمان رەحمان زادە” لە شاری بۆكان كرایەوە.

مستەفا سەلیمی زیندانی سیاسی كوردی مەحكوم بە ئێعدام لە دۆخێكی جەستەیی زۆر نالەباردایە و تووشی ئیلتهابی رێخۆڵە و ئازاری گورچیلە بووە و تا ئێستا لە لایەن كاربەدەستانی زیندانەوە هیچ بەدواداچوونێك بۆ دۆخی ناوبراو نەكراوە.

سەرۆكی كۆمیسیۆنی سیاسەتی دەرەوەی مەجلیسی ئێران رایدەگەیەنێت: “دووكەڵی ئاگری شەڕ لە یەمەن دەچێتە چاوی عەرەبستان و داواشدەكات عەمەلیاتی نیزامی لە یەمەن رابووەستێت”.

هێزە نیزامیەكانی عەرەبستان بەرەبەیانی ئەمڕۆ پێنجشەممە 6ی مانگی خاكەلێوە بۆ پێشگرتن لە پێشڕەوییەكانی چەكدارە شیعەكانی ژێر چاودێری كۆماری ئیسلامی ئێران لە یەمەن، هێرشێكی بەربڵاوی بۆ سەر ئەو وڵاتە دەست پێ كردووە.