شه‌ممه‌ 16 كانونی یه‌كه‌م 2017
ماڵەوە / ئێران / ئێران هەڕەشە لە عەرەبستان دەكات

ئێران هەڕەشە لە عەرەبستان دەكات

سەرۆكی كۆمیسیۆنی سیاسەتی دەرەوەی مەجلیسی ئێران رایدەگەیەنێت: “دووكەڵی ئاگری شەڕ لە یەمەن دەچێتە چاوی عەرەبستان و داواشدەكات عەمەلیاتی نیزامی لە یەمەن رابووەستێت”.

ماڵپەڕی مەجلیسی ئێران لە هەواڵێكدا لێدوانێكی عەلائەدین بروجێردی سەرۆكی كۆمیسیۆنی سیاسەتی دەرەوەی مەجلیسی ئێران بڵاویكردوەتەوە، كە تێیدا وێڕای ئیدانەكردنی هێرشەكانی عەرەبستان و هاوپەیمانانی بۆ سەر یەمەن رایگەیاند: ئەو ئاگرەی عەرەبستان هەڵیگرساندوە پەرچەكرداری مەترسیداری لێدەكەوێتەوە و بە سەرنجدان بە هەستیاری ناوچەكە، قەیران وڵاتانی ئیسلامی دەگرێتەوە”.

بروجردی هەروەها دەڵێت: “هەڵگیرساندنی شەڕێكی نوێ لە ناوچەكە لەلایەن عەرەبستانەوە نیشانەی نابەرپرسیارەتییە لە بەرامبەر كێشەكانی جیهانی ئیسلامی”و وتیشی: “دووكەڵی ئاگری ئەو شەڕە دەچێتە چاوی عەرەبستان، لەبەر ئەوەی شەڕ هەمیشە لە سنوورێكدا نامێنێتەوە”.

سەرۆكی كۆمیسیۆنی سیاسەتی دەرەوەی مەجلیسی ئێران جەختیكردەوە لەوەی “هێزی نیزامی یەمەن لە بەرامبەر پارێزگاری لە خاكی وڵاتەكەیان بەرگری دەكەن”.

بروجێردی ئاماژەی بە رۆڵی ئامریكا كرد لەو شەڕە و وتی: ” ئەمریكا لە سەرووی هەڵگیرساندنی ئاگری شەڕە لە ناوچەكە و بێ هیچ گومانێك عەرەبستان و هەندێ وڵاتانی كۆمكاری عەرەبی بەبێ رێگەپێدانی ئەمریكا ئەو دەسەڵاتەیان نەبوو ئەو شەڕە بكەن و نەیاندەتوانی ئاگری شەڕ هەڵگیرسێنن”.

بەرەبەیانی ئەمڕۆ پێنجشەممە شا سەلمان بن عەبدولعەزیز، پاشای عەرەبستان فەرمان بە كوڕە گەنجەكەی دەكات هێرش بۆ سەر حوسییەكان لە یەمەن دەستپێبكات و لە شەوی یەكەمی هێرشەكەشدا كە كاژێر ٢ی بەرەبەیانی ئەمڕۆ دەستی پێكرد، چەندین فڕۆكە و بنكەی نیزامیی حوسییەكان وێرانكراو.

بابەتی هاوپۆل

کاسبکارێکی کورد بە هۆی دەستڕێژی ھیزەکانی رژیم بریندار بوو

کاسبکارێکی دیکەی کوردی خەڵکی شاری سنە لە لایەن ھێزەکانی رژیمەوە بریندار و رەوانەی بەشی ئای …