پێنج شه‌ممه‌ 19 تشرینی یه‌كه‌م 2017
ماڵەوە / کوردستان / 40 هەزار منداڵی هەتیو لە ئیلام، كرماشان و سنە بوونی هەیە

40 هەزار منداڵی هەتیو لە ئیلام، كرماشان و سنە بوونی هەیە

كاربەدەستێكی دەوڵەتیی لە “كومیتەی ئیمداد”ی پارێزگای ئیلام باسی لەوە كردووە، كە بەگشتی 8 هەزار و 954 منداڵی بێ سەرپەرەست لەو پارێزگایە بوونی هەیە، كە 6 هەزار و 17 كەسیان كچن و بەداخەوە دەوڵەت زۆر بە كەمتەرخەمی و بێ بایەخیەوە لە دۆخی ژیانیان دەڕوانێت.

لە لایەكی دیكەوە كاربەدەستێكی پارێزگای كرماشان بە ماف نیوزی راگەیاندووە، كە نزیكەی 18 هەزار منداڵی هەتیو لە ژێر چاودێری كومیتەی ئیمدادی پارێزگای كرماشان دان.

ناوبراو كە نەیویستووە ناوی ئاشكرا بكرێ، رێژەی یاریدەدەران و پشتیوانەكانی ئەو مناڵانەی 19 هەزار كەس بەراوەرد كردووە، كە 60%یان لە خەڵكی پارێزگاكەن و مانگانە هەركامەیان 20 هەزار تمەنیان بەو رێكخراوە دەوڵەتیە داوە.

هەروەها بە پێی ئامارە نافەرمیەكان، نزیكەی 12 هەزار منداڵی بێ سەرپەرست لە پارێزگای سنە بوونی هەیە، كە لە كەمترین سەرنج و یارمەتی لە لایەن كاربەدەستانەوە بێ بەرین.

ئەم ئامارانەش لەحاڵێكدایە، كە نزیكەی 60% لە منداڵانی سەرشەقامن، كە تەمەنی 10 تا 14 ساڵ 45% لەو منداڵانە پێكدەهێنێت، هەروەها 34% لە منداڵانی سەرشەقام دەخوێنن، 40% وازیان لە خوێندن هێناوە و 24%یش هیچ كات نەچوونەتە قوتابخانە.

بابەتی هاوپۆل

رۆژهەڵاتی کوردستان: 6 بەندکراوی کورد ئازاد کران

شەش بەندکراوی خەڵکی شارەکانی شنۆ، سنە، ورمێ‌و کرماشان بە دانانی بارمتەی 930 ملیۆن تمەن بو …