سێ شه‌ممه‌ 22 كانونی دووه‌م 2019
ماڵەوە / كولتوور / پەیكەرتاشێكی رۆژهەڵاتی پیشانگایەكی بۆ یادی حەڵەبجە كردەوە+وێنە

پەیكەرتاشێكی رۆژهەڵاتی پیشانگایەكی بۆ یادی حەڵەبجە كردەوە+وێنە

پەیكەرتاشێكی ناوداری خەڵكی شاری سنە بۆ جارێكی دیكە، پیشانگایەكی بۆ یادی كارەساتی شیمیایی بارانی شاری حەڵەبجە كردەوە.

بە پێی راپۆرتی كوردپا، رۆژی دووشەممە 25ی مانگی رەشەممە “هادی زیائەدینی” پەیكەرتاشی ناوداری خەڵكی شاری سنە، بۆ جارێكی دیكە لە شوێنی گالێری “سوورە پەردیس”ی سینما بەهمەنی شاری سنە، پشانگایەكی بۆ نمایش كردنی چەندین بەرهەمی خۆی بە بۆنەی كارەساتی شیمیایی بارانی شاری حەڵەبجە كردەوە.

لەم پیشانگایەدا 30 بەرهەمی هادی زیائەدینی لە ژێر ناوی چەمكی وەكوو حەڵەبجە، كۆبانێ، شەنگال، پۆرترەی ژنان و پیاوانی كورد و بە ماناگەلێكی مەزنی وەكوو لەخۆبردوویی، شەهید بوون، عەشق و خۆناسین كەوتووەتە بەر بینگی هۆگرانی بەرهەمەكانی ئەو هونەرمەندە.

دووهەمین پیشانگای بەرهەمەكانی هادی زیائەدینی لە 25ی مانگی رەشەممەی 93 دەستی پێكردووە و 4 مانگی خاكەلێوەی 94 كۆتایی پێ دەێت.

هادی زیائەدینی ساڵی 1335ی هەتاویی لە شاری سنە لەدایك بووە و لە ساڵی 56 چووە زانستگەی هونەرە جوانەكانی زانكۆی تاران. ناوبراو دامەزرێنەری ئاكادێمی هونەری نیگاركێشان، وێنەكێشان و پەیكەرتاشی لە كوردستانە.

ئەم پەیكەرتاشە كوردە، تا ئێستا پەیكەری دەیان كەسایەتی كوردی دروست كردووە و لە ماوەی ساڵانی رابردوو پاش 2 ساڵ توێژینەوەی زانستی، توانی دكتۆرای پلە یەكی هونەر وەربگرێت.

بابەتی هاوپۆل

مانگرتن و ناڕه‌زایه‌تی دەربڕینی خۆیندكارانی زانكۆی رازی كرماشان

ڕۆژی شه‌ممه‌ ٢٩ی به‌فرانبار، خۆیندكارانی زانكۆی رازی كرماشان، له‌ ناڕه‌زایه‌تی به ئاستی له‌ خواره‌وه‌ی‌ خواردەمەنیەکانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.