یه‌ك شه‌ممه‌ 20 ئه‌یلول 2020
ماڵەوە / ئێران / لاوێكی دیكەی بەلوچ بە دەستی هێزەكانی كۆماری ئیسلامی كوژرا

لاوێكی دیكەی بەلوچ بە دەستی هێزەكانی كۆماری ئیسلامی كوژرا

رۆژی شەممە 23ی مانگی رەشەممە هێزەكانی كۆماری ئیسلام لە ناوچەی رمیدان پاش ئەوەیكە ئۆتۆمبیلی هاوڵاتییەكی بەلوچ دەدەنە بەر دەستڕێژیی گوللە، شاگردی شۆفیرەكە بە ناوی “راشد پەناهەندە” خەڵكی ئاوایی سەنگان سەر بە دەشتیاری كوژراوە و تەرمی ناوبراویان هەر لەو شوێنە و لە ژێر بەرد بەجێهێشتووە.

كەمپەینی چالاكانی بەلوچ وێڕای بڵاوكردنەوەی ئەم هەواڵە، باسیان لەوە كردووە، كە پاش ئەوەیكە هێزەكانی كۆماری ئیسلامی ئۆتۆمبیلەكە دەدەنە بەر دەستڕێژی گوللە و راشد (عەبدولڕەشید) بریندار دەكەن، شۆفیرەكەش بریندار دەبێت و بەهۆی پاراستنی گیانی خۆی لەو شوێنە هەڵدێ، بەڵام پاش ماوەیەكی دوور و درێژ كە هیچ هەواڵێ لە راشد نابێ، ژمارەیەكی زۆر لە خەڵكی ئاوایی سەنگان بۆ دۆزینەوەی ناوبراو هەموو ناوچەكە دەگەڕێن و لە ئاكامدا تەرمی ناوبراو لە پەتوێك پێچراوە و لە ژێر بەردێكی زۆردا دەدۆزنەوە.

كاتێ خەڵك سەردانی هێزە ئینتزامییەكان و هێزەكانی سەرسنوور دەكەن، ئەوان بەرپرسیاریەتی مەرگی راشد وەئەستۆ ناگرن، بەڵام پاش بەدواداچوونی خەڵك و بە بڕیاری قازیی، تەرمەكەی بە مەبەست پشكنین رەوانەی چابەهار دەكەن.

جێگای باسە، راشد (عەبدولڕەشید) پەناهەندە برازای موفتی محەمەد سەنگانی یەكێك لە زانایانی ئایینی ناسراوی دەشتیاری و قوتابخانەی حەوزەی علمیەی سونەكانی چابەهار بووە.

بابەتی هاوپۆل

مجروح کردن یک کولبر در نوار مرزی چالدران

دیروز شنبه 30 شهریور ماه، نیروهای مسلح رژیم جمهوری اسلامی در نوار مرزی چالدران به …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.