سێ شه‌ممه‌ 12 كانونی یه‌كه‌م 2017
ماڵەوە / سیاسی / چالاكێكی سیاسی لە شاری سنە دەستگیركرا

چالاكێكی سیاسی لە شاری سنە دەستگیركرا

ناوەندە ئەمنیەتییەكانی كۆماری ئیسلامی لە شاری سنە چالاكێكی سیاسی‌و مەدەنیی ئەو شارەیان دەستگیر كرد.

بە پێی راپۆرتی ماڵپەڕی كوردستان و كورد، رۆژی 24 ی ڕەشەممە هێزەكانی حیفازەتی ئیتلاعاتی هێزە ئینتیزامییەكانی شاری سنە هەڵیان كوتاوەتە سەر ماڵی “موختار زارعی” چالاكی سیاسی‌و مەدەنیی ئەو شارە و لەگەڵ خۆیان بردوویانە.

موختار زارعی بە حوكمی دادستانی لە ماڵەكەی خۆیدا دەستگیر كراوە و حیفازەتی ئیتلاعاتی هێزە ئینتیزامییەكانی شاری سنە ڕایگەیاندوە كە ناوبراو بەهۆی كۆمەڵە نووسینێكی لەسەر فەیسبووك دەستگیر و زیندانی كراوە.

موختار زارعی چەند ڕۆژ لەوەپێش بەبۆنەی ئازادكرانی كاتیی ‌و بە بارمتەی ڕێبوار كامرانی‌پوور، چالاكی خوێندكاریی كورد نوسیبووی، كە پێشوازیی چالاكانی خوێندكاری لە كامران لەبەر دەركی زیندان پێشوازی لە مێتۆدێكە بە ناوی بەرگری‌و خۆڕاگری كە‌ ساڵانێكە چالاكانی كورد گرتوویانە‌تە بەرو، بەرگری‌و خۆڕاگری تایبەتمەندیی بەرچاوو هەرە دیاری بزووتنەوەی كوردە.

شایانی باسە، دوای هاتنەسەر كاری دەوڵەتی روحانی‌و ئەو چاوەڕوانییەی لە دەوڵەتی ناوبراو بۆ كرانەوەی سیاسی دەكرا، لە كوردستان ڕەوتی دەسبەسەركردنی چالاكانی سیاسی‌و مەدەنی‌و ئیعدامی زیندانیانی سیاسی هەروا بەردەوامە.

بابەتی هاوپۆل

کاسبکارێکی کورد بە هۆی دەستڕێژی ھیزەکانی رژیم بریندار بوو

کاسبکارێکی دیکەی کوردی خەڵکی شاری سنە لە لایەن ھێزەکانی رژیمەوە بریندار و رەوانەی بەشی ئای …