هەواڵ

دۆخی زیندانیانی ئێرانی زۆر مەترسیدارە، بەتایبەت ئەو زیندانیە سیاسیانەی كە لە زیندانەكانی كۆماری ئیسلامیدان.

گرووپی چاودێریی مافی مرۆڤ لە سوریە دەڵێ لە سەرەتای ناڕەزایەتییەكانی دژی حكومەتی بەشار ئەسەدەوە تا ئێستا نزیك بە 13 هەزار كەس كە 108 كەسیان منداڵ بوون لە ژێر ئازارو ئەشكەنجەدا كوژراون.

هێزە نیزامیەكانی سپای پاسدارانی كۆماری ئیسلامی، رێكاری توندوتۆڵیان خستووەتە سەر رێگای دانیشتووانی ئاواییەكانی دەوروبەری كێوی “شاهۆ” و بەو چەشنە گوشارێكی زۆریان خستووەتە سەر خەڵكی ناوچەكە.

ئەنجومەنی ئاسایشی باشوور كوردستان رایگەیاند، بەڵگەیان لەبەردەستە كە داعش لەبەرەكانی شەڕی دژ بە پێشمەرگە چەكی شیمیایی بەكارهێناوە.

رێژەی بەڕێوەچوونی سزای سێدارە بە بەراوردی ساڵانی پێشوو 10% زیادی كردووە.

بە هۆی دەستڕێژیی گوللەی هێزە چەكدارەكانی كۆماری ئیسلامی لە سەر سنوورەكانی كوردستان، كۆڵبەرێكی دیكەی كورد كە سەرقاڵی كاسبی كردن بوو، بەو بۆنەوە گیانی لەدەستدا.

گۆڤارێكی خوێندكاریی بە ناوی “سیماب” لە زانكۆی ئیلام پاش بڵاوبونەوەی یەكەم ژمارەی، داخرا.

ڕێكخراوی یونیسێف رایدەگەیەنێت بەهۆی ململانێ‌و بارودۆخی ناهەمواری عێراق‌و سوریەوە، 14 ملیۆن منداڵ ئاوارە بوون ، داواش لە وڵاتانی جیهان دەكات، پێداویستی ماددیی‌و مەعنەوییان بۆ دابین بكەن.

بە پێی وتەی نوێنەری شارەكانی سەقز و بانە لە مەجلیسی كۆماری ئیسلامی، سەدەكانی پارێزگای سنە لە قەیراندایە و تەنیا لە ئاوی ئەو سەد و بەنداوانە بۆ خواردنەوە كەڵك وەردەگیرێت.

موحسین قیرائەتی، سەرۆكی ستادی نوێژ لە كۆماری ئیسلامی دەڵێ كە ئەركی ژن تەنیا دەبێ ماڵداری، زاوزێ‌و پێڕاگەیشتن بە مێردەكەی بێ.

دادگای كۆماری ئیسلامی لە شاری مەریوان حوكمی 50 زەربە قامچی لە سەر چالاكێكی خوێندكاریی كورد جێبەجێ كرد.

لە ئاكامی رووداوێكی كار لە شاری سەقز، كرێكارێكی خەڵكی شارەكە گیانی لەدەستدا.

رێژەی ئەو منداڵانەی بە نەخۆشیی ئەیدز گیرۆدە بوون، لە پارێزگاكانی رۆژهەڵاتی كوردستان 3 بەرامبەری نێوەنجیی گشتیی ئێرانە و ئەو ژنانەی كە ناسێندراون نەخۆشیی ئیدزیان هەیە، لە پارێزگاكانی ورمێ، سنە، كرماشان و ئیلام، 2 هێندەی نێوەنجی گشتیی ئێرانە.

گرووپی رێكخراوی ئیسلامی عێراق و شام ناسراو بە (داعش) بە دژی هێزەكانی ئەرتشی عێراق گازی ژەهراویی كلۆری بەكارهێناوە.

كەسێك كە بە مەبەستی تاڵانكاریی هێرش دەكاتە سەر بانكێكی شاری سەقز و بە بێ ئەوەی پارەیەكی دەستكەوێ هەڵاتووە.

دامەزراوەی (IPOS) لە ئەمریكا لە راپرسیەكدا لەگەڵ 600 ژن و پیاوی ئێرانی لە شار و لادێیەكاندا سەبارەت بە حجاب پرسیاری كردووە و باسی لەوە كردووە، كە 95% لەم راپرسییە روانگەی هەموو خەڵكی ئێرانە.