دوو شه‌ممه‌ 23 تشرینی یه‌كه‌م 2017
ماڵەوە / جیهان / داعش گازی كلۆری بەكارهێنا

داعش گازی كلۆری بەكارهێنا

گرووپی رێكخراوی ئیسلامی عێراق و شام ناسراو بە (داعش) بە دژی هێزەكانی ئەرتشی عێراق گازی ژەهراویی كلۆری بەكارهێناوە.

كەناڵی (BBC) بڵاویكردەوە كە ‌ توانیویەتی گرتەی ڤیدیۆیی بەكارهاوردنی گازی كلۆری لەلایەن چەكدارانی داعشەوە دەست بكەوێت كە لە شەڕدا بكاریان هێناوە.

هاوكات حكومەتی عێراق لە ڕوونكردنەوەیەكدا ڕایگەیاند: “بڕە گازێكی كەمی كلۆر لەو بۆمبانەدا بەكارهێنراوە كە لە تەنیشتی ڕێگاكاندا چێنراون، بۆ بە ئامانج كردنی ئەو هێزە عێراقییانەی كە لە هێرشدان بۆ دەركردنی چەكدارانی داعش لە تكریت”.

پسپۆڕانی بواری چەكی شیمیاییش دەڵێن: “گازی كلۆر لەلایەن داعشەوە وەك جەنگێكی دەرونی بەكاردەهێنرێت، بەو پێیەی كە گازەكە چڕییەكی تەواوی نییە”.

هێرشی ئەرتشی عێراق بۆ رزگاركردنی تكریت لە دەستی چەكدارانی داعش كە لە هاوینی ساڵی رابردوو لە لایەن ئەو گرووپەوە دەستی بەسەردا گیراوە، ماوەی هەفتەیەكە دەستی پێ كردووە و وەكوو گەورەترین هێرشی ئەرتشی ئەو وڵاتە بۆ سەر داعش دێتە ئەژمار.

بابەتی هاوپۆل

رۆژهەڵاتی کوردستان: 6 بەندکراوی کورد ئازاد کران

شەش بەندکراوی خەڵکی شارەکانی شنۆ، سنە، ورمێ‌و کرماشان بە دانانی بارمتەی 930 ملیۆن تمەن بو …