چوار شه‌ممه‌ 18 تشرینی یه‌كه‌م 2017
ماڵەوە / کوردستان / هەوڵی دزیی كردن بە چەك لە بانكێكی شاری سەقز بێ ئاكام مایەوە

هەوڵی دزیی كردن بە چەك لە بانكێكی شاری سەقز بێ ئاكام مایەوە

كەسێك كە بە مەبەستی تاڵانكاریی هێرش دەكاتە سەر بانكێكی شاری سەقز و بە بێ ئەوەی پارەیەكی دەستكەوێ هەڵاتووە.

بە پێی هەواڵی گەیشتوو بە “زاگرۆس پۆست”، رۆژی چوارشەممە 20ی مانگی رەشەممە كەسێك بە مەبەستی تاڵانكاریی هێرشی كردووەتە سەر بانكی تجارەت لقی بەهارستانی خواروو لە شاری سەقز، بەڵام نەیتوانییوە هیچ پارەیەك دەست بخات و لەو شوێنە هەڵاتووە.

پەیامنێری زاگرۆس پۆست لە شاری سەقز باس لەوە دەكات، ئەو كەسە چەكی پێ بووە و پاش ئەوەیكە چووەتە نێو بانكەكە و نیگەهبانی بانكەكەی بەستووەتەوە، هەوڵی داوە پارەی بانكەكە بە تاڵان بەرێت، بەڵام هیچی دەست نەكەوتووە و ئەو شوێنەی بەجێ هێشتووە.

جێگای ئاماژەیە، بە هۆی هەژاری و بێكاریی كۆمەڵانی خەڵكی ئێران و بەتایبەت كوردستان، دیاردە دزێوە كۆمەڵایەتییەكان و لەسەرەوەی هەموویانەوە دزی كردن بە ئاستێكی زۆر پەرەی سەندووە و ئەمەش بوەوتە هۆی ئەوەیكە، خەڵك ئەمنیەت و ئاسایشیان لێ زەوت بكرێ.

بابەتی هاوپۆل

رۆژهەڵاتی کوردستان: 6 بەندکراوی کورد ئازاد کران

شەش بەندکراوی خەڵکی شارەکانی شنۆ، سنە، ورمێ‌و کرماشان بە دانانی بارمتەی 930 ملیۆن تمەن بو …