پێنج شه‌ممه‌ 1 تشرینی یه‌كه‌م 2020
ماڵەوە / کوردستان / 17 خوێندكاری دیكەی زانكۆی كرماشان بانگهێشتی حەراسەت كران

17 خوێندكاری دیكەی زانكۆی كرماشان بانگهێشتی حەراسەت كران

17 خوێندكاری كژی زانستگەی ئەدەبیاتی زانكۆی رازیی كرماشان بانگهێشتی حەراسەت كران و ئەم بانگهێشت كردنەش، ناڕەزایی خوێندكارانی بەدواوە بوو.

بە پێی راپۆرتی ماف نیوز، پێش لە دەسپێكی پشووی نەورۆزیی لە زانكۆكان، 17 خوێندكاری كژی زانكۆی رازیی كرماشان ئاگادار كرانەوە، كە دەبێ دوای پشووی نەورۆزیی، لە بەسیجی خوێندكاریی و حەراسەتی زانكۆ ئامادەبن و سەبارەت بە هەندێ وردەكاریی وەكوو “بی حجابی” و “هاندانی باقی خوێندكاران بە بێ حجابی” وەڵام بدەنەوە.

دەوترێ، حەراسەتی زانكۆی رازیی و بەشی بەسیجی خوێندكاریی، بە توندی لەگەڵ خوێندكارانی ئەو زانكۆیە لەسەر مەسەلە حجاب هەڵسوكەوت دەكەن و دەیانخەنە ژێر گوشارەوە.

بەم خوێندكارە كچانە راگەیەندراوە، كە دەبێ پاش پشووی نەورۆزیی، لە بەشی بەسیج و حەراسەت بە كارتی خوێندكارییەوە ئامادە بن و وەڵامی هەندێ پرسیار بدەنەوە.

لە وەڵامدا خوێندكاران وتوویانە، ئەگەر ئەمچەشنە هەڵسوكەوتانە درێژەی هەبێت، هەموویان پێكەوە دەست دەدەنە كۆبوونەوەی بێ دەنگی راگرتن.

شایانی باسە، ماوەیەك پێش ئێستاش 40 كەس لە خوێندكارانی زانكۆی ورمێ بە هۆكارێكی هاوشێوەی بانگهێشت و لێپرسینەوەیان لەگەڵ كرابوو.

بابەتی هاوپۆل

جموجوڵ و مانۆڕی سەربازی رژیم لە سنە

چەند ڕۆژێکە لە پادگانی سپای پاسداران لە نزیک گوندی دووشان سەر بە شاری سنە دەنگی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.