زاگرۆس پۆست
چالاكێكی سیاسی ناوداری شاری مەهاباد لە لایەن هێزەكانی كۆماری ئیسلامیەوە دەستگیر و راپێچی شوێنێكی نادیار كرا.
بە پێی راپۆرتێ كە بە “زاگرۆس پۆست” گەیشووە، ئەمڕۆ دووشەممە 25ی مانگی رەشەممە”عومەر قازی”چالاكی سیاسی كوردی شاری مەهاباد و 80 ساڵ تەمەن، لەلایەن هێزەكانی كۆماری ئیسلامیەوە دەستگیر و راپێچی شوێنێكی نادیار كراوە.
هۆكاری دەستگیر كردنی ناوبراو، هاوكاریی نەكردن لەگەڵ ناوەندە ئەمنیەتی و ئیتلاعاتیەكانی كۆماری ئیسلامی راگەیەندراوە.
ماوەیەك پێش ئێستا،”بنیادی موستەزعەفان” بە بڕیاری دەزگای قەزایی كۆماری ئیسلامی لە شاری مەهاباد بە عومەر قازییان راگەیاندبوو، كە دەبێ خانووەكەی چۆڵ بكات و بیداتە ئەو ئۆرگانە حكومەتییە و ئێستاكەش ماڵەكەی بە تەواوەتی زەوت كراوە.
بەرپرسی بنیادی موستەزعەفین بە هاوكاری و هاندانی كەسێك بەناوی “ئیبراهیمی” داوای بەرتیلی لە عومەر قازی كردبوو، كە رێگری لە زەوت و داگیر كردنی خانووەكەی بكرن.
جێگای ئاماژەیە، عومەر قازی پێشتر كادری حیزبی دیموكرات بوو و 3 دەیە پێش ئێستا بە ماوەی 6 ساڵ لە زیندانەكانی كۆماری ئیسلامی زیندانیی كرابوو و بەردەوام لەم ساڵانەی دواییدا لە ژێر زەخت و گوشاردا بووە.
