هەواڵ

ئایەتوڵلا “بەیات زەنجانی” یەكێك لە مەرجەعە شیعەكانی ئێران لە فتوایەكدا رایگەیاندووە، ئەگەر شەپۆلەكانی پارازیت نەخۆشی و ئەگەری لاوازكردنی بیر و هۆش و نەخۆشی دەروونی بەدواوە بێت، حەرامە.

چەكدارانی داعش دانیان بە شكستەكەیان دانا لە گرێسپی و دەڵێن كشانەوەیان لە ناوچەكە تاكتیكی بووە و بۆ ئەوەبووە چەكدارەكانیان بە بۆردوومانی چڕی فڕۆكەكان نەكوژرێن، بەڵام بە گوتەی پەیامنێری رووداو لە دەروازی سنووری گرێسپی (ئاق چەقەلان)، لەنێوان گرێسپی لە رۆژئاوا و باكووری كوردستان، ئاوارەكان هێندە دڵنیان بە كۆنترۆڵكردنی شارەكە لەلایەن یەپەگە و بەشێكی ئاوارەكان داوادەكەن رێگایان پێبدرێت بگەڕێنەوە گرێسپی.

مانگرتن و ناڕەزایی شۆفیرتاكسیەكانی سنە پاش دانی بەڵێن لە لایەن پارێزگارەوە بە شێوەی كاتیی، كۆتایی پێهات.

ئیدارەی ئیتلاعات‌و ناوەندە ئەمنیەتییەكانی كۆماری ئیسلامی لە شاری مەهاباد هەڕەشەیان لە بنەماڵەی “مەنسوور ئاروەند” كردوە كە نابێ سەرەخۆشیی بۆ دابنێن.

ئامارێكی رێكخراوی پزیشكی یاسایی ئیران دەریدەخات، لە ساڵی رابردوودا 950 هەزار كەس بەهۆی شەڕ و ئاژاوەوە گیراون و دۆسیەیان بۆ كراوەتەوە و ئەمەش بەو واتایە كە لە هەر خولەكێكدا یەك رووداوی شەڕ لە ئێران تۆمار دەكرێ.

لیستێكی سەرەتایی لە زیندانیانی سیاسی لە زیندانی ورمێ بڵاو كراوەتەوە كە بەگشتیی بە 260 ساڵ زیندان حوكم دراون و 5 كەسیشیان حوكمی ئێعدامیان لەسەرە.

“مەنسوور ئاروەند” زیندانیی سیاسی كورد كە ماوەیەك پێش ئێستا گواسترابووە بۆ زیندانی میاندواو، سەر لە بەیانیی رۆژی رابردوو لەسێدارە درا.

شۆفیر تاكسیەكانی شاری سنە لە ناڕەزایی بە گرانبوونی نرخی بەنزین و لە هەمان كاتدا نەگۆڕینی نرخی كرێ دەستیان دایە رێكخستنی كۆبوونەوەی ناڕەزایی دەربڕین.

ئەندامێكی دیەی سپای پاسداران لە شاری سەردەشت بە هۆی شەڕ و تێكهەڵچوون لەگەڵ هێزە كوردییەكان كوژرا.

ژنێك لە شاری نەغەدە لە لایەن هاوسەرەكەیەوە درایە بەر زەبری چەقۆ و كوژرا.

لە ناوچە جیاجیاكانی كوێستانەكانی زاگرۆس، ئاگركەوتنە هێشتاكە بەردەوامە و هێزە پەیوەندیدارەكان زۆر بە خاوی و كەمتەرخەمی هەوڵ بۆ كوژاندنەوەی ئاگرەكە دەدەن.

بەپێی ئامارە ڕەسمییەكان لە ئێران نزیكەی 2 میلیۆن منداڵ وەبەركار نراون، بەڵام ئامارە ناڕەسمییەكان باس لە بوونی 7 میلیۆن منداڵی كار دەكەن‌و لەمبارەشەوە دەوڵەت هیچ ئەركێكی لە بەرامبەر ئەم منداڵانەدا وەئەستۆ نەگرتووە.

دوایین لیستی زیندانیانی سیاسی و ئایینی لە بەندی ژنانی زیندانی ئێڤین بڵاو كرایەوە كە بەگشتی نزیك بە 190 ساڵ زیندانیان بەسەردا سەپاوە.

“شەماڵ پیران” ئەندامی فەرماندەیی هێزەكانی پارتی ئازادیی كوردستان، لە لێدوانێكی تایبەتدا بۆ “وشە” ئاماژە بەوە دەكات، ئیتڵاعاتی ئێران بەهەموو جۆرێك كار لەسەر ئەوە دەكات پێشمەرگەكانی پارتی ئازادیی دوور بخاتەوە و پیلانەكانیشیان سەری نەگرتووە، بەڵام ئێستە دەیانەوێ لە رێگەی سۆزی دایك و باوك یان دەستدرێژیكردن بۆ سەر خوشكەكانیان پیلان بگێڕن، ئێمە زۆربەی پیلانەكانیانمان ئاشكرا كردووە و چەند كەسیشمان لێیان گرتووە.

سەلاحەدین دەمیرتاش هاوسەرۆكی “هەدەپە” بە دەربڕینی رای خۆی سەبارەت بە سەركەوتنەكانی حیزبوڵڵای لوبنان جەختی كردەوە، كە حیزبی دیموكراتیكی گەلان (هەدەپە) وێڕای مەودای جوغرافیایی لەگەڵ حیزبوڵڵای لوبنان و ئەرتشی سوریە، پشتیوانییان لێ دەكات.

جێگری كاروباری وەزارەتی وزە بە باس كردن لەوەیكە ساڵی رابردوو 517 شار تووشی كێشەی كەم ئاویی بوون و ئەمساڵی 10 شاری دیكە بەو ئامارە زیادی كردووە.