سێ شه‌ممه‌ 18 كانونی یه‌كه‌م 2018
ماڵەوە / کوردستان / ئیتلاعاتی ئێران هەڕەشە لە بنەماڵەی “مەنسوور ئاروەند” دەكات

ئیتلاعاتی ئێران هەڕەشە لە بنەماڵەی “مەنسوور ئاروەند” دەكات

ئیدارەی ئیتلاعات‌و ناوەندە ئەمنیەتییەكانی كۆماری ئیسلامی لە شاری مەهاباد هەڕەشەیان لە بنەماڵەی “مەنسوور ئاروەند” كردوە كە نابێ سەرەخۆشیی بۆ دابنێن.

بە پێی راپۆرتەكان لەمبارەوە، ئیدارەی ئیتلاعات جگە لەوەی ئامادە نەبووە تەرمی “مەنسوور ئاروەند” بدەنەوە بە بنەماڵەكەی، هەڕەشەشیان لێ كردوون كە نابێ پرسە و ڕێورەسمی سەرەخۆشی بۆ ئەو شەهیدە بەڕێوە بەرن.

جێگای وەبیرهێنانەوەیە، “مەنسوور ئاروەند” كە رۆژی پێنجشەممە 17ی مانگی گوڵانی ساڵی 1394ی هەتاویی لە لایەن هێزەكانی وەزارەتی ئیتلاعاتەوە لە زیندانی مەهابادەوە گواسترایەوە بۆ زیندانی میاندواو، سەرلەبەیانیی رۆژی رابردوو یەكشەممە 24ی مانگی جۆزەردان لەسێدارە دراوە.

مەنسوور ئاروەند لە مانگی جۆزەردانی١٣٩٠، لە ماڵی خۆی لە مەهاباد دەستگیر كرا.

ئەو گیراوە سیاسییە چەندین مانگ لە گرتنگەكانی ئیدارەی ئیتلاعات لە شاری مەهاباد لەژێر ئەشكەنجەو ئازاردا بووە و پاشان لە ڕێكەوتی ٢٣ی جۆزەردانی ١٣٩١، لە لایەن لقی ١ی دادگای ئینقلاب لە مەهاباد، حوكمی ئێعدامی بەسەردا سەپا. ناوبراو بە تۆمەتی شەڕ لەگەڵ خودا و پڕوپاگەندە بەدژی نیزام لە ڕێگەی “ئەندامیەت لە حیزبی دیموكراتی كوردستان” بە ئیعدام مەحكوم كرا، بەڵام دوای یەكلابوونەوەی حوكمەی لە دیوانی بەرزی وڵات زارەكی پێی ڕاگەیەندرابوو كە حوكمەكەی بۆ زیندانی ئەبەد داشكاوە، بەڵام هەواڵەكان باس لەوە دەكن، كە ئەو حوكمە نەشراوە و رۆژی رابردوو لە سێدارە دراوە.

بابەتی هاوپۆل

سازمانی خەبات لە ناوەندی هاوكاریی حیزبەكان كشایەوە

كومیتەی ناوەندیی سازمانی خەباتی كوردستانی ئێران لە بەیاننامەیەكدا كشانەوەی خۆیان لە ناوەندی هاوكاری حیزبەكانی كوردستانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.