کوردستان

“مایكل ئینرایت” تەمەن 51 ساڵ ئەستێرەیەكی هالیۆدە و بەرەگەز بەریتانیایە، كە بۆ شەڕكردن دژی‌ داعش، ماوەی‌ دوو مانگە پەیوەندی‌ كردوە بە ریزەكانی‌ یەپەگە و بەجلی‌ سەربازیەوە وێنەكانی‌ بڵاوكراوەتەوە كە سەرقاڵی‌ راهێنان و مەشقی‌ سەربازیە.

وەرزشوانێكی كوردی خەڵكی شاری سەقز بە سەركەوتن بەسەر رەكەبەرەكانی خۆیدا توانی میداڵی زێڕی پێشبڕكێیە ئاسیاییەكان مسۆگەر بكات.

بڕیار وایە خۆپیشاندان و ناڕەزاییە جەماوەرییەكانی خەڵكی رۆژهەڵاتی كوردستان تا كۆتایی ئەم هەفتەیەش وێڕای زەخت و گوشار و سەپاندنی كەشی ئەمنیەتی، بەردەوام بێت.

زیندانیەكی سیاسی كورد پاش ئەوەیكە بە دانانی بارمتە بە شێوەی كاتیی مەرەخەسی پێدرا، رۆژهەڵاتی كوردستانی بەجێهێشت.

كوردەكانی دانیشتووی لەندەن لە وڵاتی بریتانیا بە خۆپیشاندان‌و كۆبوونەوەو بەرزكردنەوەی دروشم پشتگیریی خۆیان بۆ خەڵكی مەهابادو شارو ناوچەكانی دیكەی ڕۆژهەڵاتی كوردستان دەربڕیز

2 كەس لە ئاكامی خۆپیشاندانەكەی ئەمڕۆی سنە بۆ پشتیوانی لە خەڵكی شاری مەهاباد دەستگیر كران.

بە بۆنەی گیانلەدەستدانی كچێكی كورد لە شاری مەهاباد كۆبوونەوەیەكی ناڕەزایی دیكە لە شاری هەولێر بەڕێوەچوو.

لە پێنجەمین ساڵیادی لەسێدارەدانی “فەرزاد كەمانگەر” مامۆستای لەسێدارەدراوی كورد و چوار هاوڕێی دیكەی لەلایەن حكوومەتی ئێرانەوە، ناوەندی پارێزەرانی مافی مرۆڤی كوردستان لە بەیاننامەیەكدا داوای لە رێكخراوە نێودەوڵەتییەكان كردووە بە زەخت و گوشار بۆ سەر ئێران كۆتایی بە ئیعدامی چالاكوانانی سیاسی و مەدەنی بێنێت.

بە مەبەستی ناڕەزایی بەرامبەر بە گیانلەدەستدانی “فەریناز خۆسرەوی” و پشتیوانی لە خەڵكی خرۆشاوی شاری مەهاباد كۆبوونەوەیەكی ناڕەزایی لە شاری هەولێر پایتەختی باشووری كوردستان بەڕێوەچوو.

بۆ پشتیوانی لە خۆپیشاندانی دوێنێی خەڵكی شاری مەهاباد، لە باخچەی نالی شاری سلێمانی كۆبوونەوەیەكی ناڕەزایی دەربڕین سازكرا.

شارەداری شاری شنۆ لە كۆبوونەوەی شۆفیر تاكسیە پلاك سوورەكانی ئەو شارە وتی: بە توندی بەرەوڕووی هەر جۆرە ناڕەزایی دەربڕین و مانگرتنێك بەمەبەستی بەدواداچوونی خواست و داواكاریی شۆفیر تاكسیەكان دەبینەوە.

جێگری سیاسی _ ئەمنیەتی پارێزگاری ورمێ رایگەیاندووە، حیزبەكانی كۆمەڵە و دیموكرات لە پشت خۆپیشاندانەكانی شاری مەهابادەوەن و لە رێگەی میدیاكانیانەوە هەوڵی بەرینتر كردنەوەی خۆپیشاندانەكە دەدەن.

هەموو شارەكانی كوردستان لە لایەن هێزەكانی كۆماری ئیسلامیەوە بە ئاستێكی زۆر میلیتاریزە كراون و لە سەر شەقام و جادەكان هێزێكی زۆری چەكدار بەرچاو دەكەوێ.

پاش خۆپیشاندانە بەرینەكەی شاری مەهاباد، سەرلەبەیانی ئەمڕۆ ژمارەیەكی زۆر لە خەڵكی ئەو شارە دەستگیر و لە هەمان كاتدا بنەماڵەی فەریناز خۆسرەوانی بانگهێشتی ئیدارەی ئیتلاعات كران.

لە ئاكامی خۆپیشاندانی بەرینی خەڵكی شاری مەهاباد لانیكەم 20 كەس بریندار بوون.

هەزاران مامۆستای سەرتاسەری قوتابخانەكانی ئێران‌و كوردستان ئەمرۆش بۆ جاری سێیەم بۆ دەربڕینی ناڕەزایی بە حەقدەستەكانیان كۆبوونەوەیەكی ناڕەزاییان بە ناوی “مانگرتنی بێدەنگی” سازكرد.