زاگرۆس پۆست
2 كەس لە ئاكامی خۆپیشاندانەكەی ئەمڕۆی سنە بۆ پشتیوانی لە خەڵكی شاری مەهاباد دەستگیر كران.
بە پێی هەواڵی گەیشتوو بە “زاگرۆس پۆست”، لە ئاكامی خۆپیشاندانی كاتژمێر 7 و 30 خولەكی ئێوارەی ئەمڕۆ شەممە 19ی مانگی گوڵان لە شاری سنە 2 كەس دەستگیر و راپێچی شوێنێكی نادیار كران.
بە پێی ئەو هەواڵە، ناوی یە كێك لە دەستگیر كراوەكان كە لە شەقامی فیردۆسی دەستگیر كراوە “هوشیار” راگەیەندراوە، بەڵام نازناو ئەم كەسە و شوناسی كەسی دووهەم هەتا ئێستا ئاشكرا نەكراوە.
جێگای ئاماژەیە، ئەم ئێوارەیە لە شەقامی فیردۆسی هەڵكەوتوو لە نێوان مەیدانی ئیقباڵ و ئازادیی شاری سنە خۆپیشاندانێك بە بەشداریی ژمارەیەك لە خەڵكی ئەو شارە بەڕێوە چوو كە لەو نێوەدا 2 كەس دەستگیر كران و باس لەوەش دەكرێ كە هێزە حكومەتییەكان بەدوای كەسانێك بە پێشینەی چالاكیی سیاسی و مەدەنی دا دەگەڕێن.
