کوردستان

لە بەرەبەری 2ی رەشەممە ساڵیادی گیانبەختكردنی “محەمەد ئەمین ئەفشاری” و 3 هاوڕێی دیكەی بە ناوەكانی “حسین خزری، عەیاد هەورامی و مەحیەدین”ئەندامی كۆمەڵەی زەحمەتكێشان لە شەڕ و تێكهەڵچوون لەگەڵ هێزەكانی كۆماری ئیسلامی، 2 برای دیكەی ئەو شەهیدە بە ناوەكانی “عەلی و حەبیب (رزگار) ئەفشاری” لە زیندانی ناوەندیی ورمێ، بە تۆمەتێكی هاوشێوە لەسێدارە دران.

دوابەدوای مانگرتنی كرێكارانی شیركەتی پەیمانكاری “ئەستیم” لە “پێترۆشیمی ئیلام”، بەشێك لە حەقدەستە دواخراوەكانییان پێ درا.

بەوتەی كەمپینی زیندانیانی سیاسی‌و مەدەنی، سامان نەسیم، بەندكراوی سیاسی كورد لە زیندانی ورمێ لەسێدرەدراوە، بەڵام تا ئێستا هیچ لایەنێكی فەرمی ئەوەی پشتڕاست نەكردوەتەوە.

بەرپرسانی زیندانی ورمێ شەش بەندكراوی سیاسی كورد بۆ شوێنێكی نادیار دەگوازنەوە‌و مەترسی ئەوە دەكرێت بەندكراوە سیاسیانە لەسێدارە بدرێن.

هێڤەكانی سپای پاسدارانی كۆماری ئیسلامی بە جێگیر كردنی دەكەڵی چاودێریی و دانانی پایەگای نیزامی لە ناوچەكانی مەهاباد و سەردەشت، ئەو ناوچانەیان میلیتاریزە كردووە.

كچە خوێندكارێكی خەڵكی شاری مەهاباد لە لایەن حیفازەتی زانكۆكەیەوە دەستگیر و دواتر ڕەوانەی ناوەندە ئەمنیەتیەكانی ئەو شارە كرا.

خالید عەزیزی، سكرتێری گشتیی حزبی دیموكراتی كوردستان، لەو چاوپێكەوتنەدا لەگەڵ “وشە” تیشك دەخاتە سەر دوایین دانیشتنی دەفتەری سیاسیی هەردوو حزبی دیموكرات لەسەر یەكگرتنەوەیان و رای دەگەیەنێت، لەو دانیشتنەدا نەگەیشتوون بە رێككەوتنێكی نووسراو، هاوكات روونیشی دەكاتەوە كە بەهۆی بوونی چەندین سیناریۆی ناڕوون لە رۆژهەڵاتی ناوەڕاستدا، ئاساییە لە هەموو شێوازەكانی خەبات كەڵك وەربگرن و دووپاتی دەكاتەوە: “بە مافی خۆمانی دەزانین لە هەموو …

ژنێكی خەڵكی شاری سەقز بە هۆی هەڵەی پزیشكی و لە كاتی تاقیكردنەوە، گیانی لەدەستداوە.

باوكێك لەگەڵ كچەكەی كە لە ناوچەكانی پیرانشار سەرقاڵی ئاژەڵداری بوون بەهۆی تەقینەوەی مینەوە گیانیان لەدەست داوە.

3 چالاكی مەدەنی كورد لە شاری خۆی سەر بە پارێزگای ورمێ لە لایەن هێزە ئەمنیەتیەكانی كۆماری ئیسلامیەوە دەستگر كران.

لە كوێستانەكانی‌ ناوچەی‌ سنووریی‌ “سەلاسی‌ باوەجانی‌” سەر بە پارێزگای‌ كرماشان، هێزە نیزامییەكانی‌ كۆماری‌ ئیسلامی‌ دەستیان بەسەر كەلوپەلی 13 كۆڵبەردا گرتووە.

ئیبراهیم‌ عەلیزادە لە كاردانەوە بە قسەكانی‌ سەلاحی‌ موهتەدی‌، رەتیكردەوە مادەی‌ هەشتی‌ داخوازییە هەشت مادەییەكەی‌ سالی‌ 1357ی‌ شاری‌ مەهاباد پیشنیاری‌ كاك فوادی‌ مستەفا سولتانی‌ بی‌‌و دەلێت:”من وەكوو كەسێك كە ئەوكات ئەندامی سەركردایەتی كۆمەڵە بووم، لە كاك فوئاد و لە كەسی تریشم نەبیستووە كە كاك فوئاد ئەو خاڵەی پێشنیار كردبێ.

زیندانیەكی سیاسی كورد كە ماوەی نزیك بە 4 ساڵە لە زیندانی شاری تەبەس راگیراوە، بە دانانی بارمتەی قورس بە شێوەیەكی كاتیی و بە مەبەستی چارەسەریی پزیشكی مەرەخەسی پێدرا.

پاش رفاندنی لیوایەكی سەر بە پارتی دیموكراتی كوردستان لەلایەن هێزەكانی سپای پاسدارانی ئێران لەشاری هەڵەبجە، رێكخراوی كوردۆساید هۆشداری دەداتە حیزبەكانی رۆژهەڵاتی كوردستان.

70% ی كرێكارانی ئیران لە ژێر هێڵی هەژاریدا دەژین و بەوتەی بەرپرسێكی پلەبەرزی حكومەتی ئێران زۆربەری ئەو كرێكارانە توانای كڕینی شتومەكی ئاساییان نییە و وەكوو ئامێری لووكس دەڕواننە ئەو كاڵایانە.

“موجتەبا نیك كردار” جێگری پارێزگاری كرماشان دەڵێ: لەو پارێزگایەدا سێ هەزارو 152 گوند هەیە، كە 530 گوندیان تا ئێستا چۆڵكراون.