شه‌ممه‌ 23 كانونی دووه‌م 2021
ماڵەوە / کوردستان / ناوەندی پارێزەرانی مافی مرۆڤی كوردستان: كۆتایی بە سێدارەی چالاكوانانی سیاسی بێنن

ناوەندی پارێزەرانی مافی مرۆڤی كوردستان: كۆتایی بە سێدارەی چالاكوانانی سیاسی بێنن

لە پێنجەمین ساڵیادی لەسێدارەدانی “فەرزاد كەمانگەر” مامۆستای لەسێدارەدراوی كورد و چوار هاوڕێی دیكەی لەلایەن حكوومەتی ئێرانەوە، ناوەندی پارێزەرانی مافی مرۆڤی كوردستان لە بەیاننامەیەكدا داوای لە رێكخراوە نێودەوڵەتییەكان كردووە بە زەخت و گوشار بۆ سەر ئێران كۆتایی بە ئیعدامی چالاكوانانی سیاسی و مەدەنی بێنێت.

لە بەیاننامەكەدا هاتووە سەرلەبەیانیی رۆژی19ی خاكەلێوەی 1389ی هەتاوی هاوكات لەگەڵ دوایین رۆژی هەفتەی مامۆستا لە ئێران “فەرزاد كەمانگەر” مامۆستا و چالاكوانی مافی مرۆڤ هاوڕی لەگەڵ چوار زیندانیی سیاسیی دیكە بەناوەكانی “عەلی حەیدەریان، شیرین عەلەم هوولی، فەرهاد وەكیلی و مەهدی ئیسلامیان” بە نهێنی و بەبێ‌ بوونی پارێزەر و بنەماڵەكانیان لە زیندانی ئێڤین لەسێدارە دران”.

لە بەشێكی بەیاننامەكەی ناوەندی پارێزەرانی مافی مرۆڤی كوردستاندا هاتووە، “وەڵامی نەتەوەی كورد بەو سێدارەیە و سێدارەكانی دیكە بەپێی كولتووری ناتوندوتیژی و گەیشتن بە دیموكراسی، پەیامێكی ئاشتی بووە بۆ هەموو حكوومەتەكان”.

پاش پێنج ساڵ لە سێدارەی ئەو پێنج چالاكوانە هێشتا نازانرێ‌ شوێنی ناشتنی تەرمەكانیان لە كوێیە و ناوەندی پارێزەرانی مافی مرۆڤی كوردستان شاردنەوەی شوێنی ناشتنی تەرمی ئەو چالاكوانانە بە نایاسایی و پێشیڵكاریی مافی مرۆڤ دەزانینن و خوزایاری روون بوونەوەی شوێنی گلكۆكانیانین.

لە كۆتایی بەیننامەكەدا داوا لە رێكخراوەكانی داكۆكیكاری مافی مرۆڤ، بۆ وێنە فیدراسیۆنی نێودەوڵەتیی كۆمەڵەكانی مافی مرۆڤ، چاودێری مافی مرۆڤ و رێكخراوی لێبوردنی نێودەوڵەتی و بەتایبەتی لە “ئەحمەد شەهید” رێپۆرتێری تایبەتی نەتەوە یەكگرتووەكان بۆ كاروباری مافی مرۆڤ لە ئێران داوا دەكەن هەتا بە زەخت و گوشار بۆ سەر دانوستانكارە ئەورووپییەكان كۆتایی بە سێدارەی چالاكوانانی سیاسیی و مەدەنی لە ئێران و رۆژهەڵاتی كوردستان بهێنرێت و بەدواداچوون بۆ دۆسیەی چالاكوانان و پێشیڵكاریی مافی مرۆڤ لەو وڵاتە بكەن.

بابەتی هاوپۆل

سیروان رحیمی از زندان سنندج به مرخصی اعزام شد

طی روزهای اخیر سیروان رحیمی، زندانی سیاسی محبوس در زندان سنندج به مرخصی اعزام شد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.