هەواڵ

“والی دروودی” زیندانیی سیاسیی كوردی خەڵكی ناوچەی كامیاران، پاش 19 سال راگیران لە زیندانەكانی كۆماری ئیسلامی، بۆ دووەم جار بە دانانی بارمتە مەرەخەسیی پێ درا.

ناوەندی ڕوانگەی‌ سووری بۆ مافەكانی‌ مرۆڤ لە ڕاپۆرتێكدا بڵاوی كردووەتەوە، لە سەرەتای‌ دەسپێكی‌ هێرشە ئاسمانییەكانی هێزە هاوپەیمانەكانەوە كە دەكاتە‌ هەتا ئێستە، هەزار و 922 چەكداری سەر بە ڕیكخراوی دەوڵەتی ئیسلامی كوژراون.

لە پاریزگای كرماشان لە ساڵدا 3 هەزار كەس بە هۆی نەخۆشیی دڵ گیانیان لەدەستدەدەن.

تیرۆریستی‌ داعش خەلیفەیەكی‌ نوێی‌ بۆ شوێنگرتنەوەی‌ “ئەبوبەكر بەغدادی”‌ دیاریی كرد.

یەكێك لە ئاژانسەكانی سەر بە رێكخراوی نەتەوەیەكگرتووەكان لە راپۆرتێكدا دەڵێ: نزیك بە نیو میلیۆن هاوڵاتیی لە سوریە بە بێ هەبوونی چكۆلەترین پێداویستی لە گەمارۆدان.

تۆڕی جیهانیی بی بی سی ژمارەی ئەو پەیامانەی گروپی دەوڵەتی ئیسلامی لەعێراق‌و شام ناسراو بە داعش ئاشكرا دەكات كە لە رۆژانە لەتۆڕە كۆمەڵایەتییەكان بڵاویدەكاتەوە.

سەرلەبەیانی ئەمڕۆ 9 كەسی دیكە لە زیندانی ناوەندیی بەندەر عەباس لەسێدارە دران.

قازیی دادگای میناب لە پێدانی مەرەخەسی بە “محەممەدحوسێن رەزایی” (خوسرۆ) زیندانیی سیاسیی كورد بۆ چارەسەری پزیشكی دژایەتی دەربڕی.

ڕۆژنامەی وال ستریت ژوورناڵ، بە بڵاو كردنەوەی ڕاپۆرتێك، ئاماژەی بە باشبوونەوەی پێوەندییەكانی نێوان ئێران‌و گرووپی حەماس‌و پڕكردنەوەی كەلێنەكانی ئێستایان كردووە. ئەم ڕۆژنامە ئامریكاییە لە ڕاپۆرتەكەیدا باسی لەوە كردووە كە یارمەتییەكانی ئێران بە حەماس بۆ جارێكی دیكە زیادی كردوە.

بە بڕیاری ئەندامانی شورای فەرهەنگی گشتیی پۆلیسی فەتا لە پارێزگای سنە، كافینتەكانی ئەو شارە بۆ كەڵك وەرگرتنی ژنان و پیاوان لە بواری رەگەزییەوە جیادەكرێنەوە.

سەرلەبەیانی ئەمڕۆ 2ی مانگی گەلاوێژ 3 كەسی دیكە بە حوكمی قساس لە زیندانی ورمێ لەسێدارە دران.

دادگایەك لە ئیسرائیل، رۆژی سێشەممە سزای ٧ ساڵ زیندانی بەسەر هاوڵاتیەكی بلژیكی بە ڕەگەز ئێرانیدا سەپاند، كە بە تۆمەتی سیخوڕیكردن بۆ ئێران دەستگیر كرابوو.

لە سەرەتای‌ سەرهەڵدانی‌ شۆڕشی‌ سوریەوە تا ئێستا، 463 ڕۆژنامەنووسی‌ ناوخۆیی‌‌و بیانی‌ لە سوریە بوونەتە قوربانیی‌ توندوتیژی‌‌و پێكدادانەكان.

راگەیەاندنەكانی ئێران هەواڵی كوژرانی “هادی كەجباف” یەكێك لە فەرماندەكانی سپای پاسداران و “حسین بادپا” لە ئەندامانی سپای كرمان لە ناوچەی “بەسریەلحەریر” پارێزگای “دەرعا” لە باشووری سوریە، بڵاو كردەوە.

لە ئێران لە هەر كاتژمێرێكدا 19 هاوسەر لێك جیا دەبنەوە و ئەو رێژەیە بە بەروارد لەگەڵ ساڵی رابردوو زیاتر بووە.

شارۆچكەی پیشەسازیی ئیلام بە قەیرانی دارایی و نەبوونی پشتوانەی ماڵی بەرەوڕوو بووەتەوە و ئەو دۆخەش بێكار بوونی 200 پیشەگەری لێكەوتووەتەوە.