زاگرۆس پۆست
سەرلەبەیانی ئەمڕۆ 9 كەسی دیكە لە زیندانی ناوەندیی بەندەر عەباس لەسێدارە دران.
بە پێی راپۆرتی سەرچاوەك هەواڵنێرییە حكومەتییەكانی ئێران، سەرلەبەیانی ئەمڕۆ پێنجشەممە 3ی مانگی گوڵانی 1394ی هەتاویی بە بڕیاری دەزگای قەزایی كۆماری ئیسلامی و لە لایەن هێزە ئەمنیەتیی و نیزامیەكانی ئێرانەوە، 3 كەس بە تاوانی ئەنجامدانی قەتڵ و 6 كەسی دیكەش لە پەیوەند لەگەڵ قاچاخی مادەهۆشبەرەكان لە زیندانی ناوەندیی بەندەر عەباس لەسێدارە دران.
شایانی باسە، لە ماوەی یەك مانگی رابردوو و بەتایبەت پاش رێكەوتنی ئەتۆمیی ئێران و گرووپی 5 زێدە یەك نزیكەی 100 كەس لە ئێران بە ئاشكرا و نهێنی لەسێدارە دراون و ئەم بابەتەش بە ئاستێكی كەم لە میدیاكاندا دەنگدانەوەی هەبووە.
