دوو شه‌ممه‌ 20 ئایار 2019
ماڵەوە / کوردستان / 3 كەسی دیكە لە زیندانی ورمێ لەسێدارە دران

3 كەسی دیكە لە زیندانی ورمێ لەسێدارە دران

سەرلەبەیانی ئەمڕۆ 2ی مانگی گەلاوێژ 3 كەسی دیكە بە حوكمی قساس لە زیندانی ورمێ لەسێدارە دران.

سەرچاوەیەك لە پەیوەندیی گرتن بە تۆڕی مافی مرۆڤی كوردستان، ناوی 2 كەس لەو زیندانیانەی پەیمان مورادی لە بەندی نەخۆشە دەروونیەكان و یەعقوق ئەراچیان لە بەندی 3 و 4 راگەیاندووە و شوناسی كەسی سێهەم نادیارە. ئەو 3 كەسە رۆژی رابردو لە بەندەكەی خۆیانەوە بەرەو قەرەنتینەی زیندان گواسترابوونەوە و بەرەبەیانی ئەمڕۆ بە ئامادەبوونی بنەماڵەی كەسی كوژراو لەسێدارە دران.

لە ماوەی 3 رۆژی رابردوو 7 كەس لە زیندانی ورمێ لەسێدارە درابوون و پێشتر و  لە رۆژی دووشەممە یەكی مانگی گەلاوێژ حوكمی ئێعدامی 4 كەسی دیكە بە ناوەكانی لوقمان موعەزی، عەلی جەلیلی، بەحرولعەلی یەحیا نژاد و بێهنام ئەحمەدی لە حەوشەی زیندانی ناوەندیی ورمێ جێبەجێ كرا.

شایانی باسە، لە ماوەی یەك مانگی رابردوو، بەتایبەت پاش رێكەوتنی ئەتۆمی ئێران و وڵاتانی پێنج زێدە یەك، نزیكەی 70 كەس لە ئێران لەسێدارە دراون و ئەمەش وەكوو تایبەتمەندیی كۆماری ئیسلامی لە ماوەی زیاتر لە 3 دەیە دەسەڵاتی وایە و هەر كات ئیمتیازێك دەداتە وڵاتانی دەروە، گوشارەكانی بەرامبەر بە هاوڵاتییان لە ناوخۆی وڵات توندتر دەكات.

بابەتی هاوپۆل

گیان لە دەستدانی دوو کۆڵبەر لە ورمێ

ڕۆژی یەک شەممە دوو کۆڵبەری کورد، خەڵکی ناوچەی تەرگەوەر، لە کاتی پەڕانەوە لە ڕووباری “جێرمێ” …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.