کوردستان

زیندانیەكی سیاسی كورد كە ماوەی 9 رۆژە گواستراوەتەوە بۆ ژووی تاكەكەسی زیندانی شاری “میناب” بە هۆی نەبوونی جل و بەرگی گەرم و پەتوو(بەتانی) لە دۆخێكی تەندروستی مەترسیداردایە.

ماوەیەك بەسەر رێككەوتننامەی نێوان ئێران و عێراق بۆ ئاڵوگۆڕكردنی زیندانییانی نێوانیان تێپەڕیوە، بەڵام تا ئێستا ئەو بڕیارە جێبەجێنەكراوە.

لە ماوەی چەند مانگی رابردوو، شیركەتێكی كانگای بەرد لە نزیك ئاورگە یان ئاورگای “سیاگڵ” سەر بە شاری “ئەیوان” لە پارێزگای ئیلام، خەریكی چالاكی كردنە و بەو بۆنەوە ئەگەری لەنێوچوونی ئەو ئاسەوارە مێژووییە دروو لە چاوەڕوانی نیە.

راوكردن و كوشتنی گیانلەبەران لە شاخ و چیاكانی ئاوایی “دشە” سەر بە شاری “پاوە” هەڵكەوتوو لە پارێزگای كرماشان، نیگەرانی دانیشتووانی ناوچەكە و بەتایبەت چالاكانی ژینگەپارێزی لێكەوتووەتەوە.

هاوڵاتیەكی خەڵكی شاری مەهاباد لە لایەن دادگای كۆماری لەو شارە دادگایی كراو هاوڵاتیەكی دیكەش لە شاری دێگولان لە لایەن ناوەندە ئەنیەتیەكانی كۆماری ئیسلامیەوە بانگهێشت و لێپرسینەوەی لێكراوە.

دوو هەزار‌و 951 چەكداری‌ داعش كوژراون، لەشەڕ‌و پێكادانی‌ سێ‌ مانگی‌ رابردوی‌ “كۆبانێَ”دا، بەپێی‌ ئامارێكی‌ یەكینەكانی‌ پاراستنی‌ گەل.

“مەسعود شەمس نژاد” پارێزەری بەندكراوی كورد، پاش پەیوەست بوونی بە مانگرتنی زیندانیانی سیاسی لە زیندانی ناوەندیی ورمێ (دەریا) لە لایەن كاربەدەستانی ئەو زیندانەوە هەڕەشەی لێكراوە، ئەگەر زیندانیان هان بدات بۆ مانگرتن لە خواردن، مافی پارێزەر بوونی بۆ هەتا هەتاییە هەڵدەوەشێتەوە.

سمیناری “شارەكەم سەقز” بە مەبەستی هەرچی زیاتر ناساندنی مێژوو ، جوغرافیا، كەلتوور، ئەدەبیات، هونەر و … ئەو شارە، بە بێ هیچ ئاكامێكی شیاو كۆتایی پێهات.

بە وتەی كارناسێكی كۆمەڵایەتی، قەیرانی دەروونی و خەمۆكی لە نێوان لاوان و ژنان، كە زۆر جار بەو بۆنەوە دەست دەدەنە خۆكوژی، پارێزگای “سنە” زۆرترین رێژەی هەیە و لە ئاستی ئێراندا، قەیران لێدراوترین پارێزگا ناسێندراوە.

یەكگرتنەوەكەی لایەنەكانی “كۆمەڵە”، كە لە ماوەی رۆژانی رابردوو هەواڵەكەی بڵاو كرایەوە، وردەكارییەكی زۆرتری لێ روون بووەتەوە.

پاش تێپەڕ بوونی 24 رۆژ بەسەر مانگرتن لە خواردنی زیندانیانی سیاسی لە زیندانی ناوەندیی ورمێ(دەریا) و نالەبار بوونی دۆخی تەندروستی ژمارەیەك لەو زیندانیانە، ٨٥ ژنە چالاكی كورد خوازیاری دەستەبەربوونی داخوازیی زیندانیانی مانگرتووی كورد لەو زیندانەدا بوون.

هێزە ئینتزامیەكانی كۆماری ئیسلامی لە شاری “سەوڵاوا” هێرشیان كردۆتە سەر ژمارەیەك كۆڵبەر و لە ئاكامیشدا دەستیان بەسەر كەلوپەلی ئەو كاسبكارانەدا گرتووە.

حوكمی ئێعدامی زیندانیەكی سیاسی كورد، كە لە زیندانی ناوەندی شاری مەهاباد بەند كراوە، هەڵوەشێندرایەوە و پێی راگەیەندرا.

كارخانە و كارگا بەرهەمهێنەرەكانی شارۆچكەیەكی پیشەیی لە شاری “كرماشان” دەستیان كردووە بە دەركردنی كرێكارەكانیان و چەندین مانگە حەقدەستی كرێكارەكانیشیان نادەن.

لە ماوەی كەمتر لە یەك مانگی رابردوودا نزیكەی 40 چالاكی سیاسی، مەدەنی و پیشەیی كورد لە شارە جیاجیاكانی رۆژهەڵاتی كوردستان لە لایەن دام و دەزگا ئەمنیەتی و ئیتلاعاتیەكانی كۆماری ئیسلامیەوە دەستگیر، بانگهێشت و لێپرسینەوەیان لێكراوە.

عەلی خۆش نمەك، هەڵسوڕاوی مەدەنی خەڵكی شاری مەریوانە كە ماوەیەك لەوە پێش لەلایەن هێزەكانی ئیتلاعاتی ئەو شارەوە دەستگیركراوە‌و تا ئێستا چارەنوسی نادیارە.