سێ شه‌ممه‌ 11 كانونی یه‌كه‌م 2018
ماڵەوە / کوردستان / سمیناری “شارەكەم سەقز” بە بێ هیچ ئاكامێ كۆتایی پێهات

سمیناری “شارەكەم سەقز” بە بێ هیچ ئاكامێ كۆتایی پێهات

سمیناری “شارەكەم سەقز” بە مەبەستی هەرچی زیاتر ناساندنی مێژوو ، جوغرافیا، كەلتوور، ئەدەبیات، هونەر و … ئەو شارە، بە بێ هیچ ئاكامێكی شیاو كۆتایی پێهات.

بە پێی هەواڵی گەیتشوو بە *زاگرۆس پۆست*، لە سمیناری نیو رۆژەی “شارەكەم سەقز” كە لە زانكۆی پەیام نوری ئەو شارە بەڕێوەچووە و بە مەبەستی تیشك خستنە سەر لایەنە مێژوو ، جوغرافیا، كەلتوور، ئەدەبیات، هونەر و … سەقز، بە بێ ئاكامێكی ئەوتۆ و تەنیا بە دەستخۆشی و تەعارفكاریی نێوان بەرپرس و لایەنە پەیوەندیدارەكان كۆتایی پێهات.

یەكێك لە خوێندكارانی زانكۆی پەیام نووری شاری سەقز، وێڕای رەخنەی توند لە شێوازی بەڕێوەچوونی ئەو ئەو چەشنە سمینارانە باسی لەوە كردووە، كە: لە سمینارەكەدا سەرۆكی زانكۆ و پاش ئەو نوێنەری شارەكانی سەقز و بانە لە مەجلیسی كۆماری ئیسلامی و هەروەها فەرمانداریی شارەكە كە جێگری تایبەتی پارێزگاری سنەیە، قسەیان كردووە و پاشان تەنها 5 بابەت ئیزنی پێشكەش كردنیان پێ دراوە و بابەتەكانیش لە ئاستی پێناسە كردنی شاری مێژوویی سەقزدا نەبوون.

ئەو هەروەها باس لەوە دەكات، كە سمینارەكە بڕیار بووە بۆ ماوەی یەك رۆژ بێت و وێڕای جەخت كردنەوە لەسەر كەم بوونی ماوەی یەك رۆژەكەش، دەڵێ: تەنها نیوەڕۆژێ سمینارەكە گیراوە و ئیزن نەدراوە بابەت و وتاریی بەكەڵك و تۆكمە پێشكەش بكرێت و تەنها بەرپرسانی ئیداریی شاری سەقز بە باڵای یەكتردا هەڵیان وتووە و دەستخۆشیان لەیەكتر كردووە، كە ئەمەش هیچ قازانجێ بە پێناسە كردن و ناساندنی شاریی سەقز نەبووە.

بابەتی هاوپۆل

رۆحانی؛پێم وانەبێ وڵاتێکی دیکە وەکوو ئێران لە بواری ئازادیەوە بوونی هەبێت

رۆژی چوار شەممە ١٤ ی سەماوەز دوو رۆژ بەر لە ١٦ ی سەرماوەز(١٦ اذر) “رۆژی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.