دوو شه‌ممه‌ 25 ئازار 2019
ماڵەوە / کوردستان / “سنە” قەیراناویترین پارێزگای ئێرانە

“سنە” قەیراناویترین پارێزگای ئێرانە

بە وتەی كارناسێكی كۆمەڵایەتی، قەیرانی دەروونی و خەمۆكی لە نێوان لاوان و ژنان، كە زۆر جار بەو بۆنەوە دەست دەدەنە خۆكوژی، پارێزگای “سنە” زۆرترین رێژەی هەیە و لە ئاستی ئێراندا، قەیران لێدراوترین پارێزگا ناسێندراوە.

“مەسعود مستەفایی” كۆمەڵناس و چالاكی مافی مرۆڤ لە شاری “سنە”، باس لەوە دەكات، كە زۆترین قەیرانە كۆمەڵایەتیەكانی ئێران بەتایبەت خۆكوژی، لە پارێگاكانی “سنە، ئیلام و خوزستان”دایە.

قەیرانە كۆمەڵایەتیەكان بریتین لە: بێكاریی، بێ هیوایی بە ژیان، توشیاربوون بە مادەهۆشبەرەكان، تەڵاق، چوونەسەرەوەی تەمەنی هاوسەرگیری و…

ئەو كۆمەڵناسە، سەبارەت بە هۆكاری سەرهەڵدانی قەیرانی لەو چەشنە، دەڵێ: لە ناوچە دواكەوتووەكانی ئێران، گەرچی لاوان لەگەڵ بەرزبوونەوەی ئاستی زانیاریی و تێگەیشتن، زەرفیەتیان زۆرتر بووە، بەڵام توانای خۆنواندنیان نیە.

بە وتەی “مستەفایی” قەیرانە دەروونیەكان و خەمۆكی هەندێ جار ئەگەری ئەوەی هەیە، ببێتە هۆی سەرهەڵدانی خەسار و دیاردە دزێوە كۆمەڵایەتیەكان.

شایانی باسە، پارێزگاكانی رۆژئاوای ئێران و بەتایبەت پارێزگا كوردنشینەكان، لە ریزی ئەو ناوچەگەلەن، كە بە هۆیكاری جیاجیا بەرەوڕووی خەساری بەرینی كۆمەڵایەتی دەبنەوە و پێویستیان بە پەروەردەی زۆرتر لە بواری زانیاری و تێگەیشتندا هەیە، بەڵام لایەنە پەیوەندیدارە حكومەتیەكان زۆر بە كەمەرخەمیەوە لەو بابەتە دەڕوانن و هیچ ئاوڕێكی لێ نادەنەوە.

 

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.