شه‌ممه‌ 20 كانونی دووه‌م 2018
ماڵەوە / کوردستان / ناوەندە بەرهەمهێنەرەكانی “كرماشان” كرێكارەكانیان دەر دەكەن

ناوەندە بەرهەمهێنەرەكانی “كرماشان” كرێكارەكانیان دەر دەكەن

كارخانە و كارگا بەرهەمهێنەرەكانی شارۆچكەیەكی پیشەیی لە شاری “كرماشان” دەستیان كردووە بە دەركردنی كرێكارەكانیان و چەندین مانگە حەقدەستی كرێكارەكانیشیان نادەن.

بە پێی راپۆرتی گەیشتوو بە “زاگرۆس پۆست”، 7 كارخانە و كارگەی بەرهەمهێنان لە شارۆچكەی پیشەسازیی “بیستون”ی شاری “كرماشان” بە شێوەی نیوەداخراو چالاكی دەكەن و بە هۆی چوونەسەرەوەی نرخی مەوادی خاو، بەشێكی بەرچاو لە كرێكارەكانی خۆیان دەركردووە و چەندین مانگیشە لە دانی حەقدەست و خزمەتگوزارییەكانی ئەو كرێكارانە خۆ دەبوێرن.

لە زۆربەی ئەو كارخانەگەلە، شیفت و كاتژمێری كار بە ئاستێكی زۆر كەمی كردووە و كرێكاران لە وەرگرتنی حەقدەست و خزمەتگوزارییە دواخراوەكانیان بێبەش كراون.

شایانی باسە، شارۆچكەی پیشەسازیی “بیستون” لە 8 كیلۆمتری شاری كرماشاندایە و نزیكەی 170 هێكتار پانتایی هەیە و یەكێك لە گەورەترین شارۆچكە پیشەییەكانی پارێزگای كرماشان دێتە ئەژمار.

بابەتی هاوپۆل

یەكێك لەگیراوەكانی خۆپیشاندانەكان لە ژێر ئەشكەنجەدا گیانی لەدەستدا

لاوێكی 23ساڵەی تارانی كە لەخۆپیشاندانەكانی چەند رۆژی رابردوو دەستگیركرابوو لە زیندانی ئێڤین لە ژێر ئەشكەنجە …