هەواڵ

بە پێی هەواڵی گەیشتوو بە زاگرۆس پۆست، كرێكارانی كارخانەی ڕستن‌و چنینی بۆكان پاش تێپەڕبوونی 5 ساڵ بەسەر داخرانی ئەو كارخانەیە، هەتا ئێستا كێشەی بیمەكەیان چارەسەر نەكراوە.

بە پێی ئەو هەواڵانەی بە زاگرۆس پۆست گەیشتوون، ئەگەری لەسێدارەدانی زیندانی سیاسی كورد “سامان نەسیم” كە لە زیندانی شاری ورمێ راگیراوە دوور لە چاوەڕوانی نیە.

بە پێی ئەو هەواڵانەی بە زاگرۆس پۆست گەیشتووە، مانگرتن لە خواردنی عەلیڕەزا رەسوولی زیندانی سیاسی كورد كە لە زیندانی دەریا لە شاری ورمێ دەستبەسەرە هێشتاكە درێژەی هەیە.

بە بۆنەی شەهید بوونی پێشمەرگەیەكی حیزبی دێمۆكراتی كوردستان بە ناوی “هەژار قاسمی” لە رۆژی هەینی 4 رەزبەر لە شاری شنۆ گیانی لەدەستدابوو، *كۆمەڵەی زەحمەتكێشانی كوردستان* راگەیەندراوێكی بڵاو كردەوەو تێیدا بە گەرمی سەرەخۆشی لە هەموو هاوسەنگەران و بنەماڵە و كەس و كاری ئەو شەهیدە كردووە

وەزارەتی بەرگری ئەمریكا (پنتاگۆن) رایگەیاند، 68 سەربازی هێزی پیادەی فیرقەی یەكەمی سوپای ئەمریكا رەوانەی هەولێر دەكرێن، بەمەبەستی یارمەتیدانی هێزەكانی پێشمەرگە لە رووبەڕووبوونەوەی چەكدارانی داعش. ئەدمیڕاڵ جۆن كێربی، وتەبێژی وەزارەتی بەرگری ئەمریكا لە لێدوانێكی رۆژنامەوانیدا رایگەیاند: “500 سەربازی هێزی پیادەی فیرقەی یەكەمی سوپای ئەمریكا لە سەربازگەی فۆرت ریڵی لە ویلایەتی كینساسەوە رەوانەی عێراق و چەند وڵاتێكی دیكەی ناوچەی رۆژهەڵاتی ناوەڕاست دەكرێن”. …

هێزێكی‌ پێشمەرگەی‌ باشووری كوردستان بە چەكی‌ قورسەوە گەیشتنە كۆبانێ‌ بۆ هاوكاریكردنی‌ هێزەكانی‌ یەپەگە دژ بە چەكدارانی‌ داعش، تەئكیدیش دەكرێتەوە، كە داعش لە هێرشكانیاندا شكاون و لە پاشەكشەی‌ بەردەوامدان. سەرچاوەیەك لە فەرماندهی هێزی پێشمەرگەی باشووری كوردستان بە هەواڵنێریی خەندان رایگەاندووە كە:” هێزەكانی‌ پێشمەرگەی‌ كوردستان گەیشتنە گوندی‌ سەرێكانێ وبەرەو شاری‌ كۆبانێدەچن بۆهاوكاریكردنی‌ گریلاكانی یەپەگە دژ بە داعش”. ئەو سەرچاوەیە، كە داوایكردووە ناوی …

لە ناوچەی “شنۆ”ی رۆژهەڵاتی كوردستان پێشمەرگەیەك بە هۆی تێكهەڵچوون لەگەڵ هێزەكانی كۆماری ئیسلامی شەهید بوو.

گەریلاكانی پەكەكە هێرشێكی توندیان كردە سەر بازخانەیەك لەنێوان ئامەد _ بەتلیس و چەندین سەرباز دەكوژن. ئاژانسی هەواڵنێریی دوغان لە توركیە رایگەیاند كە، گەریلاكانی پارتی كرێكارانی كوردستان هێرشیان كردووەتە سەر بازخانەیەكی سپای توركیە لە نێوان هەردوو شاری ئامەد و تەبلیس. بەپێی ئەو هەواڵە، سەربازەكانی نێو بازگەكە داوای كۆمەكی سەربازی كردووەو هێزێكی تری سپای توركیە بەدەمیانەوە چوون‌، بەڵام ئەوانیش كەوتوونەتە كەمینی گەریلاكانەوە. …

یەكێك لە فەرماندەكانی هێزە چەكدارە دەریایەكانی سپای پاسدارانی كۆماری ئیسلامی ئێران وێڕای ئەوەیكە بوونی قاسم سلێمانی فەرماندەی سپای قودس هاوڕێ لەگەڵ 70 كەسی دیكە لە هێزەكانی ئێرانیان لە شەڕ دژی داعش لە عێراق پشتڕاست كردەوە.

ناڕەزاییەکی زۆر دروستبووە لەنێو  داعشدا لەبەرئەوەی ژنه فرۆکەوانێکی ئیماراتی بەشداریکردووە لە بۆردومانکردنی بنکەکانیاندا و بە هۆی ئەو نوقرچكەوە هەستی ئایینی و پیاوانەی “داعش”یەكان ئازارێكی زۆری پێ گەیشتووە.

هێزە ئیتلاعاتییەكانی كۆماری ئیسلامی ئێران، ٤ لاوی خەڵكی كوردی ناوچەی “پاوە”یان دەستگیر كردووە و هەتا ئێستاش چارەنووسیان نادیارە.

بە پێی ئەو هەواڵانەی بە زاگرۆس پۆست گەیشتووە، ژمارەیەك لە خەڵكی شاری سنە بەرانبەر بە گران بوونی نرخی دەرمان لە شاری سنە دەستیان دایە ناڕەزایی دەربڕین. رۆژی یەكشەممە 30 مانگی خەرمانان پیاوێك لە دەرمانخانەیەك لە شاری سنە ناڕەزایی دەربڕی و بە دەنگی بەرز رایگەیاند كە، بەم كەمی داهاتوو و چوونەسەرەوەی نرخی دەوا و دەرمان چۆن دەتوانین نەخۆشیەكانمان چارەسەر بكەین. نارەزایی …

بە پێی هەواڵی گەیشتوو بە زاگرۆس پۆست، بە هۆی كەمی ئاوی خواردن لە ماڵان لە بەردەم فەرمانداریی ئەو شارە كۆبوونەوەیەكی ناڕەزاییان سازدا.

بە پێی هەواڵی گەیشتوو بە زاگرۆس پۆست، بە هۆی كەمتەرخەمی بەرپرسانی شارەداریی شاری بانە كۆمەڵێكی بەرچاو لە خەڵكی شارەكە لە بەردەم ئەو ئیدارەیە كۆبوونەوەیەكی ناڕەزاییان بەڕێوەبرد.

ئەمڕۆ چوارشەممە 2ی مانگی رەزبەر فڕۆكە جەنگیەكانی هێزە هاوپەیمانەكان هەڵیانكوتایە سەر هێزەكانی داعش لە رۆژئاوای شاری كۆبانی و گەمارۆەكانی سەر ئەو شارەیان بە خەستی بۆردمان كرد.