پێنج شه‌ممه‌ 29 تشرینی یه‌كه‌م 2020
ماڵەوە / کوردستان / ئێران: ئێمە هەرێمی كوردستانمان رزگار كرد

ئێران: ئێمە هەرێمی كوردستانمان رزگار كرد

یەكێك لە فەرماندەكانی هێزە چەكدارە دەریایەكانی سپای پاسدارانی كۆماری ئیسلامی ئێران وێڕای ئەوەیكە بوونی قاسم سلێمانی فەرماندەی سپای قودس هاوڕێ لەگەڵ 70 كەسی دیكە لە هێزەكانی ئێرانیان لە شەڕ دژی داعش لە عێراق پشتڕاست كردەوە.
سەردار ئەمیر عەلی حاجی زادە فەرماندەی هێزە چەكدارە ئاسمانیەكانی سپای پاسداران لە وتووێژ لەگەڵ كاناڵی دووی كۆماری ئیسلامی، وێڕای ئەوەیكە بوونی قاسم سلێمانی و 70 چەكداری دیكەی كۆماری ئیسلامی لە كاتی ئازادكردنی ئامرلی پشتڕاست كردەوە، ئیدعای ئەوەی كردووە كە ئەگەر ئێمە نەبووینایە داعش هەولێر پێتەختی هەرێمی كوردستانی داگیر دەكرد.
شایانی باسە، تا ئێستا چەندین جار باس لە بوونی هێزەكانی ئێران لە بەرەكانی شەڕ لە دژی داعش لە باشووری كوردستان و عێراق باس ئاماژەی پێدراوە، بەڵام كۆماری ئیسلامی ئەو ئیدعایانەی ڕەت دەكردەوە و تەنیا باسیان لەوە دەكرد كە ئێمە وەكوو هێزێكی پشتیوان كە چەك و تەقەمەنیمان ڕەوانە كردووە لەو شەڕەدا بەشدار بووین.
ئەمەش لە حاڵێكدایە كە ماوەیەك پێش ئێستا و پاش رزگار كردنی شاری ئامرلی، ڤیدیۆیەك لە سەما و هەڵپەڕكێی هێزە چەكدارە شیعەكان بڵاو كرایەوە كە قاسم سلێمانی فەرماندەی سپای قودسی كۆماری ئیسلامیش لەو سەما كردنەدا بەشدار بوو.

بابەتی هاوپۆل

ئێعدامی سێ زیندانی و خۆکوژیی زیندانیەکی دیکە لە ورمێ

حوکمی ئێعدامی سێ هاووڵاتی لە بەندیخانەی ئورمیە جێبەجێ کرا و بەندکراوێکی مەحکووم بە ئێعدامیش پێش …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.