هه‌ینی 23 تشرینی یه‌كه‌م 2020
ماڵەوە / کوردستان / پێشمەرگەكانی باشوور گەیشتنە كۆبانی

پێشمەرگەكانی باشوور گەیشتنە كۆبانی

هێزێكی‌ پێشمەرگەی‌ باشووری كوردستان بە چەكی‌ قورسەوە گەیشتنە كۆبانێ‌ بۆ هاوكاریكردنی‌ هێزەكانی‌ یەپەگە دژ بە چەكدارانی‌ داعش، تەئكیدیش دەكرێتەوە، كە داعش لە هێرشكانیاندا شكاون و لە پاشەكشەی‌ بەردەوامدان.

سەرچاوەیەك لە فەرماندهی هێزی پێشمەرگەی باشووری كوردستان بە هەواڵنێریی خەندان رایگەاندووە كە:” هێزەكانی‌ پێشمەرگەی‌ كوردستان گەیشتنە گوندی‌ سەرێكانێ وبەرەو شاری‌ كۆبانێدەچن بۆهاوكاریكردنی‌ گریلاكانی یەپەگە دژ بە داعش”.

ئەو سەرچاوەیە، كە داوایكردووە ناوی بڵاو نەكرێتەوە وتوویەتی:” پێشمەرگە بە چەكی‌ قورس و نوێوە گەیشتوونەتە گوندی‌ سەرێ كانی‌ لەخۆرئاوای‌ كوردستان و بەرەو شاری‌ كۆبانێ‌ دەڕۆن بەمەبەستی‌ هاوكاریكردنی‌ گریلا لە شەڕكردنیان دژ بە چەكدارانی‌ داعش”.

ئاماژەی‌ بەوەشدا، كە چەكدارانی‌ داعش ماوەی‌ دوو رۆژە لە پاشەكشەی‌ بەردەوامدان، وتیشی :” ئەو دەنگۆیانە دوورن لە راستییەوە كە داعش تەنها دوو كیلۆمەتریان ماوە بگەنە كۆبانێ، بەڵكو راستییەكەی‌ ئەوەیە لە قۆڵێكەوە زیاتر لە 10 كم دوورن و لە قۆڵێكی‌ تریشەوە نزیكەی‌ 15 كم و لە لایەكی‌ تریشەوە زیاتر لە 30 كیلۆمەتر لە كۆبانێ_وە دوورن”.

ئەوەشی‌ خستەڕوو، كە لەماوەی‌ 24 كاتژمێری‌ رابردوودا 14 شەڕەڤانی‌ یەپەگە شەهیدبوون، لەبەرامبەریشدا زیاتر لە 50 چەكداری‌ داعش كوژراون وتەرمی‌ ژمارەیەكیان كەوتوونەتە دەست هێزە كوردیەكان.

تەئكیدیشكردەوە، كە چەكدارانی‌ داعش لە دوو رۆژ پێش ئێستا لە هێرشی بەردەومدابوون، بەڵام ئێستا گریلاكانی‌ یەپەگە لە حاڵەتی‌ هێرشكردندان و لە پێشڕەوی‌ بەردەوامیشدان.

بابەتی هاوپۆل

سێ زیندانی سیاسی لە شنۆ و نەغەدە ئازاد کران

عەلی ئیسماعیلی بەندکراوی سیاسی خەڵکی شنۆ دوای تێپەڕاندنی ٨ مانگ لە ماوەی یەک ساڵەی حوکمی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.