هەواڵ

حەسەن رۆحانی، سەرۆك كۆماری ئێران لە رێوڕەسمی نۆیەمین یادی رۆژی میللی تەكنۆلۆژی ئەتۆمیی ئێراندا، وتی: ئەگەر هەموو جیهان بڵێن دەیانەوێ بە پێچەوانەی یاسا نێودەوڵەتییەكان و لەسەر بنەمای زەبر و زەنگ، بەرەوڕووی گەلی ئێران دەبنەوە، گومانم نییە كە هەموو هێزە جیهانییەكان لە بەرامبەر گەلی ئێراندا تووشی شكست دەبن.

یەكێتی ئوروپا بۆ جارێكی دیكە و ئەم جارە بە كەڵك وەرگرتن لە بنەما حقوقیە نوێیەان، گەمارۆی نوێی لە دژی بانكی تجارەت و 32 شیركەتی كەشتی رانی ئێرانی سەپاندووەز پێش لەمە دادگایەك لە ئوروپا گەمارۆكان لە دژی ئەو بانكە و 40 شیركەتی كەشتیڕانی هەڵوەشاندبووەوە.

جان بێرنان، سەرۆكی رێكخراوی ناوەندیی زانیارییەكانی ئەمریكا، “سیا” پێی وایە بەشیكی زۆر لەو ڕەخنانەی لە ڕێككەوتنی ئەتۆمی ئێران دەگیرێ، لە جێی خۆیاندا نین‌و هەر بۆ خۆنواندنە.

فاسم رەزایی فەرماندەیی سنوورپارێزی هێزە ئینتزامییەكانی ئێران وتی: زیاتر لە 80 گرووپی جیاجیا لە خاكی پاكستانەوە دژی ئێران كردەوەی خرابكارانە ئەنجام دەدەن.

مامۆستایانی سەرانسەری ئێران و بەتایبەت كوردستان سەبارەت بەِ دۆخی نالەباری و قەیراناوی ژیانی خۆیان و كەمی حەقدەستەكان و دەستڕاگەیشتن بە خواست داواكارییەكانیان و وڵامدەر نەبوونی دەوڵەتی روحانی و مەجلیس لەبارەی كێشەكاندا، لەبەردەم مەجلیس و وەزارەتی پەروەردە و بارهێنان دەست دەدەنە رێكخستنی كۆبوونەوەیەكی بێدەنگی.

سەرۆكی ئیداەری پاراستنی ژینگەی شاری مەهاباد وتی: زیاتر لە 60 راوچی لەو شارە وازیان لە راوكردن هێناوە و بە لایەنگرانی ژینگەوە پەیوەست بوون.

وەزارەتی مافی مرۆڤی عێراق رایگەیاند:” 11 گۆڕی بەكۆمەڵی بنكەی نیزامی سپایكەر دۆزراونەتەوە و تاوەكو ئێستاش رووفاتی 47 قوربانی دەرهێنراون”.

ژنە خەباتكارێكی خەڵكی ماكۆی رۆژهەڵاتی كوردستان لە كۆبانێ رۆژئاوای كوردستان گیانی بەخت كرد.

لە ماوەی رۆژانی رابردوودا 2 چەكداری كوردی خەڵكی شاری سەقز لە نێو ریزەكانی گرووپی داعشدا كوژران.

لە ئاكامی كەوتنە خوارەوەی هێلیكۆپترێكی سپای پاسدارانی كۆماری ئیسلامی ئێران لە سیستان و بەلوچستان، 2 چەكداری كۆماری ئیسلامی بریندار بوون.

هێزە ئەمنیەتیەكانی كۆماری ئیسلامی ئێران لە ئیلام، پێشیان بە بەڕێوەچوونی یادی یەكێك لە هونەرمەندە ژەنیارەكانی كوردیان گرت كە بڕیاربوو لە زانكۆی پەیام نووری ئەو شارە بەڕێوە بچێ.

وەزیرێكی‌ ئیسرائیلی‌ رایگەیاند، سەرەڕای‌ ئەنجامدانی‌ رێكەوتنی‌  ئێران لەسەر پرسی ئەتۆمی‌ لەگەڵ وڵاتانی‌ (5+1) بەڵام ئەگەری‌ هێرشی‌ سەربازی‌ بۆ سەر ئەو وڵاتە لای‌ ئیسرائیل كراوەیە.

چەند كاتژمێر پاش ئەوەیكە سپای پاسداران راگەیەندراوێكی لەسەر تێكهەڵچوون و لەنێوبردنی گرووپێكی تیرۆریستی بڵاو كردەوە، هەواڵێك سەبارەت بە كوژرانی 8 سەربازی ئەو وڵاتەش لە نزیك شوێنی تێكهەڵچوونەكە بڵاو كرایەوە.

ڤیان دەخیل، نوێنەری ئێزدییەكان لە ئەنجومەنی نوێنەرانی عێراق، رایگەیاند: چەكدارانی‌ داعش زیاتر لە پێنج هەزار‌و 422 هاوڵاتی ئێزدیان ڕفاندوە، لەو ژمارەیەش چوار هەزاریان ژنن.

كرێكارێكی كورد بە هۆی رووداوی بەرق گرتوویی لە شارۆچكەی “شێخ تەپە”ی ورمێ گیانیلەدەستدا.

سەرۆكی جیهانی كشاوەرزیی شاری دێهلۆران سەر بە پارێزگای ئیلام وتی: بە سەرنج بە كەمی باران لە ئەمساڵدا 70% لە كشتوكاڵی گەنمی دەیمی دێهلۆران خەساریان بەركەوتووە.