2 چەكداری كوردی خەڵكی شاری سەقز لە ریزەكانی داعشدا كوژران

لە ماوەی رۆژانی رابردوودا 2 چەكداری كوردی خەڵكی شاری سەقز لە نێو ریزەكانی گرووپی داعشدا كوژران.

بە پێی هەواڵی گەیشتوو بە “زاگرۆس پۆست”، لە ماوەی رۆژانی رابردوو لە كاتی وەرگرتنەوەی شاری تكریت لە چەكدارەكانی داعش، 2 چەكداری كوردی نێو ریزەكانی داعش كە پێەوە برابوون بە هۆی شەڕ و تێكهەڵچوونەكان كوژراون.

ناوی ئەو 2 برایە كە خەڵكی شار سەقز بوون “سەعدی كەرەمی و عرفان كەرەمی” كوڕی “عەبدوڵڵا كەرەمی” راگەیەندراوە.

جێگای وەبیرهێنانەوەیە، لە كاتی هێرشی چەكدارانی داعش بۆ سەر سوریە و عێراق بە سەدان هاوڵاتیی كورد لە هەر 4 بەشی كوردستانەوە بەو گرووپە ئیسلامیە تیرۆریستەوە پەیوەست بوون و چالاكانی سیاسی و مەدەنی كوردستانیش لەسەر ئەو بڕوایەدان كە لانیكەم 100 كەس لە شارە جیاجیاكانی رۆژهەڵاتەوە بە داعش پەیوەست بوون و تا ئێستا ژمارەیەكیشیان لێ كوژراوە.