هەواڵ

خاوه‌ن شیرنی خانه‌یه‌ک له ورمێ به ناوی سه‌لام ئه‌حمه‌دی به هۆی نه‌گۆڕینی ناوی دووکانه‌که‌ی (لاوان) و هه‌روه‌ها  بینینه‌وه‌ی شیرینییه‌ک له شێوه‌ی ئاڵای کوردستان له کامپیوتێره‌که‌ی له لایه‌ن ئیتلاعات‌ی ورمێ‌وه ده‌ستبه‌سه‌رو دواتر ره‌وانه‌ی به‌ندیخانه‌ی ئه‌و شاره کرا.

سێ تۆمه‌تباری کۆکردنه‌وه‌ی یارمه‌تی بۆ داعش له پارێزگای ورمێ که دوانیان خه‌ڵکی باشووری کوردستانن، دوای گواستنه‌وه‌یان بۆ به‌ندیخانه‌ی ورمێ داوای زه‌مانه‌تی 100ملیۆن تمه‌نییان کردووه بۆ هه‌ریه‌که‌یان.

سه‌رله‌به‌یانیی ئه‌مڕۆ کچێکی تر له کامیاران به هۆی گومانی پێوه‌ندیی له گه‌ڵ ره‌گه‌زی به‌رامبه‌ر له لایه‌ن براکه‌یه‌وه کوژرا.

له به‌ره‌به‌یانی رۆژی هه‌ینیی رابردووه‌وه ژماره‌یه‌ک له هێزه‌کانی هه‌ردوو باڵی کۆمه‌ڵه‌ی زه‌حمه‌تکێشان‌و کۆمه‌ڵه‌ی شۆڕشگێڕ بۆ به‌شداریکردنی شه‌ڕ دژ به داعش چوبونه ناوچه‌ی نادرئاوای رۆژئاوای که‌رکوک، به‌ڵام به هۆی گوشاره‌کانی کۆماری ئیسلامی دواجار ناچار کران سه‌رله‌ئێواره‌ی دوێنێ دووشه‌مه هێزه‌کانیان بکشێننه‌وه.

له‌ شاری ره‌فسه‌نجان ئێران یارمەتی دارایی بۆ چه‌كدارانی داعش كۆده‌كرێته‌وه‌.

رۆژی هەینی رابردوو هێزێک لە پێشمەرگەكانی كۆمەڵەی زەحمەتكێشانی كوردستان بۆ پشتیوانی هێزی پێشمەرگەی كوردستان‌و شەڕ لەگەڵ چەكدارانی داعش رەوانەی بەرەكانی شەڕ كران.

دوێنێ سێشه‌مه چوار به‌ندکراوی به‌ندیخانه‌ی ورمێ گوازراونه‌ته‌وه بۆ ژووره تاکه‌که‌سییه‌کان‌و به پێی زانیارییه‌کان بڕیاره ئه‌مڕۆ چوارشه‌مه له سێداره بدرێن. بە پێی تازەترین هەواڵ یەکێک لەو بەندکراوانە ئەمرۆ لەسێدارەدرا.

دوێنێ سێشه‌مه، چه‌کدارانی داعش فۆتۆژورناڵیستی ئامریکایی جێیم رایت فوڵی یان له وڵامی بۆردمانی پێگه‌کانیان له عێراق سه‌ربڕی‌و هه‌ڕه‌شه‌ی سه‌ربڕینی دیلێکی تری رۆژنامه‌نووسیشیان کردووه له ئه‌گه‌ری به‌رده‌وام بوونی بۆردمانه‌کانی ئامریکا.

سیمین بێهبه‌هانی که‌سایه‌تیی ناسراوی فارس‌و شاعیری ناسراوو چالاکی فه‌رهه‌نگیی ئێرانی‌ سه‌رله‌به‌یانیی ئه‌مڕۆ 28گه‌لاوێژ له تاران به هۆی نه‌خۆشینه‌وه کۆچی دوایی کرد.

دوای حه‌فته‌یه‌ک به سه‌ر برینداربوونی کرێکارێکی تارانی به هۆی لێدانی له لایه‌ن چه‌ند کارمه‌ندی شاره‌وانی له نه‌خۆشخانه‌یه‌کی ئه‌و شاره گیانی له‌ده‌ستدا.

به‌رپرسانی کۆماری ئیسلامی له شاری بۆکان به سوود وه‌رگگرتن له هه‌لی کۆکردنه‌وه‌ی یارمه‌تیی خه‌ڵکی بۆ لێقه‌وماوانی شنگال، هه‌وڵی ره‌وانه‌کردنی پاره‌و یارمه‌تییه خه‌ڵکییه‌کان بۆ غه‌زه ئه‌ده‌ن.

له ماوه‌ی یه‌ک حه‌فته‌ی رابردوودا که‌مپه‌ینی کۆکردنه‌وه‌ی یارمه‌تی بۆ کۆبانی‌و شنگال له زۆربه‌ی شاره‌کانی رۆژهه‌ڵات رێژه‌یه‌کی به‌رچاو له پێداویستییه سه‌ر‌ه‌تاییه‌کانی بۆ خه‌ڵکی ئه‌و ناوچانه دابین کردو تا ئێستاش شاری مه‌ریوان به کۆکردنه‌وه‌ی بڕی 150ملیۆن تمه‌ن یارمه‌تی سه‌رتۆپی شاره‌کانی رۆژهه‌ڵاته.

سه‌رله‌به‌یانیی سێشه‌مه‌ی رابردوو منداڵانی قوربانیی شیناوێ له‌گه‌ڵ بنه‌ماڵه‌کانیان له ناڕه‌زایه‌تیی به نیوه‌کردنی بیمه‌ی خوێندکارانی کچ له به‌رده‌م باڵه‌خانه‌ی سه‌رکۆماری له تاران ده‌ستیان دایه مانگرتن، به‌ڵام نه‌ته‌نیا به ئه‌رێنی وڵامیان نه‌درایه‌وه به‌ڵکو پێیان وتوون به‌و کارانه ‘کاسبی به خۆیانه‌وه‌ نه‌که‌ن’.

له ماوه‌ی حه‌فته‌ی رابردووداو دوای لێقه‌ومانی خه‌ڵکی شنگال، جه‌ماوه‌ی رۆژهه‌ڵاتی کوردستان له زۆربه‌ی شاره‌کان ده‌ستیان داوه‌ته کۆکردنه‌وه‌ی هاوکاری‌و پێداویستییه سه‌ره‌تاییه‌کان.

لەنامەیەكدا لە ژێرناوی “وەڵامی ڕەخنە بە تەسفیەیی حیزبی درایەوە!” ژمارەیەك لە ئەندامانی پێشووی كۆمیتەی ناوەندی كۆمەڵەی شۆڕشگێڕ، بەبۆنەی دەركردنی ژمارەیەك لە ئەندامانی پێشووی كۆمیتەی ناوەندی، رەخنەیەكی توند ئاراستەی سەركردایەتی ئەو حیزبە دەكەن.

‘هیچ کاره‌ساتێک گه‌وره‌تر له‌ شه‌ڕ و ئاواره‌ و برسیکردنی ئینسانه‌کان نییه‌!’ ئه‌وه سه‌ردێڕی بانگه‌وازێکه که تێیدا دوانزه رێکخراوی مه‌ده‌نیی مه‌ریوان داوان له خه‌ڵکی ئه‌و شاره کردووه به هانای لێقه‌وماوانی شنگال‌ه‌وه بچن.