چوار شه‌ممه‌ 28 تشرینی یه‌كه‌م 2020
ماڵەوە / کۆمەڵایەتی / کرێکارێک به هۆی لێدانی کارمه‌ندانی شاره‌وانیی تاران گیانی له‌ده‌ستدا

کرێکارێک به هۆی لێدانی کارمه‌ندانی شاره‌وانیی تاران گیانی له‌ده‌ستدا

دوای حه‌فته‌یه‌ک به سه‌ر برینداربوونی کرێکارێکی تارانی به هۆی لێدانی له لایه‌ن چه‌ند کارمه‌ندی شاره‌وانی له نه‌خۆشخانه‌یه‌کی ئه‌و شاره گیانی له‌ده‌ستدا.به گوێره‌ی سه‌رچاوه‌کانی هه‌واڵ دووشه‌مه‌ی رابردوو کرێکارێکی تارانی به ناوی ‘عه‌لی چراغی’ به هۆی ناکۆکی له لایه‌ن چه‌ند کارمه‌ندی شاره‌وانیی گه‌ڕه‌کی تهران پارس دراوه‌ته به‌ر لێدان‌و دوای حه‌فته‌یه‌ک مانه‌وه له نه‌خۆشخانه به هۆی قورسیی برینه‌که‌ی گیانی له‌ده‌ستداوه.

 ئه‌بولفه‌زل چراغی کوڕی ته‌مه‌ن 14ساڵانی ئه‌و کرێکاره رایگه‌یاندووه رۆژی رووداوه‌که له لایه‌ن چه‌ند کارمه‌ندی شار‌ه‌وانییه‌وه به باوکیان وتووه ده‌ست به سه‌ر ئۆتومبیله‌که‌یدا ئه‌گرن، دواتر لێیان بووه‌ به شه‌ڕو به جارێک ئه‌و چه‌ند کرێکاره به قورسی له‌و کرێکاره‌یان داوه. دواجار کرێکارێک به ‘په‌نجه بوکس’ به سه‌ری ئه‌و کرێکاره‌یدا کێشاوه‌و به به‌رچاوی کوڕه‌که‌یه‌وه دوای لێدانێکی قورس به‌ برینداری به جێیان هێشتووه.

 ده‌وترێت له کاتی لێدانی ئه‌و کرێکاره‌دا ده‌یان رێبوار رووداوه‌که‌یان بینیوه‌و له کاتی تۆمارکردنی سکاڵاکه‌دا 11 هاوڵاتیی وه‌ک شایه‌تحاڵ ئاماده‌ بوون چۆنیه‌تیی رووداوه‌که بگێڕنه‌وه.

 له‌و باره‌وه ئه‌ندامێکی کۆمیسیۆنی کۆمه‌ڵایه‌تیی پارلمانی ئێران شاره‌وانیی تارانی به تاوانبار زانیوه‌و رایگه‌یاندووه ئه‌وه‌ یه‌که‌م جار نییه کارمه‌ندانی شاره‌وانی به شێوه‌ی لاتانه خه‌ڵک بده‌نه به‌ر لێدان. له لایه‌کی تره‌وه شاره‌وانیش خۆی به به‌رپرس نه‌زانیوه‌و به‌رسایه‌تیی ئه‌و رووداوه‌ی خستووه‌ته ئه‌ستۆی په‌یمانکاری شاره‌وانی.

 ساڵانه ژماره‌یه‌کی زۆر له هاوڵاتییان له لایه‌ن کارمه‌ندانی شاره‌وانییه‌کان له ئێران سووکایه‌تییان پێ ئه‌کرێت‌و ئه‌درێنه به‌ر لێدان‌و توندوتیژی راسته‌وخۆ، بێ ئه‌وه‌ی مۆڵه‌تی روبه‌ڕوبونه‌وه‌ی راسته‌وخۆو بردنی شت‌و مه‌ک‌و رووخاندنی ماڵ‌و دووکانی بێ مۆڵه‌تیان بێت.

وێنه: بنه‌ماڵه‌ی قوربانی

ledan1

بابەتی هاوپۆل

ارسلان هدایتی از زندان دیزل ‌آباد کرمانشاه آزاد شد

ارسلان هدایتی، شهروند ساکن شهرستان قروه، بصورت مشروط و با اعمال شاقە در آخرین روزهای …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.