هەواڵ

هاووڵاتییەكی كوردی شاری كرماشان لە زیندانی شاری ورمێ بە هۆی خراپی دۆخی جەستەیی و دۆخی ناو زیندانەوە، كۆتایی بە ژیانی خۆی هێنا.

هەڵسووڕاوێكی كوردی خەڵكی شاری شنۆ لە لایەن دەزگای قەزایی كۆماری ئیسلامیەوە زیندانی بەسەردا سەپا.

 سێ لایەنی “کۆمەڵەی زەحمەتکێشانی کوردستان و کۆمەڵەی شۆڕشگێڕ-هێڵی یەکگرتنەوە و رەوتی سۆسیالیستی کۆمەڵە” لە قۆناغی کۆتایی یەکگرتنەوەدان و ئەندامێکی هێڵی یەکگرتنەوە رایدەگەیەنێت، ئەو یەکگرتنەوەیە لە دژی هیچ لایەنێک نییە و تەنیا ئامانجمان دامەزراندنەوەی کۆمەڵەیەکی راستەقینەی کوردستانییە نەک کۆمەڵەیەکی خیاڵی”.

چاودێری مافی مرۆڤی سوریە ئەمڕۆ هەینی 16ی مانگی گەلاوێژ ئامارێكی نوێی سەبارەت بە رێژەی قوربانیانی قەیرانی سوریە لە ساڵی 2011ی زایینیەوە تا ئێستا بڵاو كردەوەو بە پێی ئەو ئامارە جگە لە ئاوارە بوونی 4 میلیۆن كەس، 240 هەزار كەسیش گیانیان لەدەستداوە.

شەوی رابردوو شەڕ و تێكهەڵچوون لە چەند شوێنێكی شاری مەریوان روویدا کە بە پێی زانیارییەکان ٢٠ پاسدار لەو شەڕەدا کوژراون.

لە ماوەی رۆژانی رابردوو ناردنی پارازیت بۆ سەر كاناڵە ئاسمانیەكان و هەروەها فیلتر كردنی ماڵپەڕە ئینترنێتیەكان و تۆڕە كۆمەڵایەتییەكان لە سنە و دەوروبەری بە ئاستێكی بەرچاو زیادی كردووە.

جێگری سەرۆك كۆماری ئێران تایبەت بە كێشەكانی ژنان و خێزان ئاشكرای كرد، 15 هەزار كەسی كارتۆن خەو لە ئێران هەن كە 5 هەزاریان ژنن.

كۆڵبەرێكی دیكەی كورد بە هۆی تەقەی راستەوخۆی هێزە چەكدارەكانی كۆماری ئیسلامی ئێران گیانی لەدەستدا.

گیان و دۆخی جەستەیی محەممەد سەدیق كەبوودوەند سەرۆكی بەندكراوی رێكخراوی بەرگریی لەمافی مرۆڤی كوردستان، بە هۆی دابەزینی فشاری خوێن، لەمەترسیدایە.

هاوڵاتێكی مەدەنی بە ناوی “فەتاح رەسووڵپوور”، تەمەن ٢٨ ساڵ خەڵكی شاری “سایین قەڵا”، لە لایەن ئیدارەی “ئاگاهی”ەوە دەستگیر كرا.

لە ماوەی ئەمساڵدا ئاگركەوتنەوەی بەربڵاو لە دارستانەكانی پارێزگای ئیلام ڕووی داوە بە جۆرێك كە تا ئێستا لە 41 حاڵەتی ئاگركەوتنەوەدا 1211 هێكتار لە لێڕەوا و لەوەڕگەكانی زنجیرە چیاكانی زاگرۆس لە بڵێسەی ئاگردا سووتاون‌و بوون بە خەڵووز.

ژمارەیەك لە كارمەندانی ئیدارەی گشتیی فەنی حرفەیی پارێزگای كرماشان لە ناڕەزایی بە زۆر بوونی كاتژمێری كارەكەیان دەستیان دایە ناڕەزایی دەربڕین.

“ناسر پیری” تەلەفەی زانستی ئایینی كورد بە 5 ساڵ زیندان حوكم درا و بە مەبەستی تێپەڕاندنی حوكمەكەی رەوانەی زیندانی ناوەندیی سنە كرا.

15هەزار داعشی لە هێرشە ئاسمانییەكانی ئەمریكاو هاوپەیماناندا كوژراون.

كچێكی كوردی خەڵكی شاری شنۆ بەهۆی كێشەی بنەماڵەییەوە دەستی داوەتە خۆكوژی.

رادیۆ “سوا” وتووێژێكی تەلەفۆنی لەگەڵ غەیاس سوورچی بەرپرسی راگەیاندنی یەكێتی نیشتمانیی كوردستان لە پارێزگای نەینەوا ئەنجام داوە و لەو وتووێژەدا ناوبراو باسی لەوە كردووە كە دەوڵەتی ئیسلامی ناسراو بە داعش لە ماوەی 2 هەفتەی رابردوو، زیاتر لە 2 هەزار كەس لە خەڵكی موسڵی ئێعدام كردووە.