سێ شه‌ممه‌ 16 تشرینی یه‌كه‌م 2018
ماڵەوە / جیهان / داعش لە ماوەی 2 هەفتەی رابردوو زیاتر لە 2 هەزار كەسی ئێعدام كردووە

داعش لە ماوەی 2 هەفتەی رابردوو زیاتر لە 2 هەزار كەسی ئێعدام كردووە

رادیۆ “سوا” وتووێژێكی تەلەفۆنی لەگەڵ غەیاس سوورچی بەرپرسی راگەیاندنی یەكێتی نیشتمانیی كوردستان لە پارێزگای نەینەوا ئەنجام داوە و لەو وتووێژەدا ناوبراو باسی لەوە كردووە كە دەوڵەتی ئیسلامی ناسراو بە داعش لە ماوەی 2 هەفتەی رابردوو، زیاتر لە 2 هەزار كەس لە خەڵكی موسڵی ئێعدام كردووە.

ئەو رادیۆە كە سەر بە دەفتەری راگەیاندنی نێودەوڵەتیی ئەمریكایە، لەو راپۆرتەدا هەروەها وتوویەتی: زۆربەی ئێعدام كراوەكان لە ئەندامانی ئەرتش، پۆلیس و كارمەندەكانی كۆمیساریای باڵای هەڵبژاردنەكان بوون.

غەیاس سوورچی لەوبارەوە وتووشیەتی: داعش لیستی قوربانیەكانی لەسەر دیوارەكانی ناوەندی پۆلیس لە گەڕەكی سومریە هەڵكەوتوو لە رۆژهەڵاتی موسڵ هەڵواسیوە و سەبارەت بە داواكاریی بۆ وەرگرتنەوەی تەرمی رۆڵەكانیان هۆشداریی داوەتە بنەماڵەی قوربانیان.

سووردی جەخت دەكاتەوە، كە قوربانیەكان لە ماوەی 2 هەفتەی رابردو لە پارێزگای نەینەوا دەستگیر كراون و بە دەستڕێژی گوللە كوژراون.

گرووپی داعش لە ماوەی یەك ساڵی رابردوو چەندین جار لە ناوچەكانی ژێر دەسەڵاتی خۆی لە عێراق و سوریە دەستی داوەتە ئێعدامی بەكۆمەڵ.

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.