یه‌ك شه‌ممه‌ 19 تشرینی دووه‌م 2017
ماڵەوە / کوردستان / زیندانیەكی كورد كۆتایی بە ژیانی خۆی هێنا

زیندانیەكی كورد كۆتایی بە ژیانی خۆی هێنا

هاووڵاتییەكی كوردی شاری كرماشان لە زیندانی شاری ورمێ بە هۆی خراپی دۆخی جەستەیی و دۆخی ناو زیندانەوە، كۆتایی بە ژیانی خۆی هێنا.

بەپێی راپۆرتی سەرچاوەكانی هەواڵ، “عەلی محەممەدی” زیندانی بەندكراو لە گرتووخانەی شاری ورمێ بەهۆی خراپی دۆخی تەندروستی كۆتایی بە ژیانی خۆی هێنا.

عەلی محەممەدی هەفتەی پێش كە بە هۆی مانگرتن لە خورادن بۆ ژووری تاكەكەسی راگواسترابوو، رۆژی پێنج‌شەممە رێكەوتی 15ی گەلاوێژی لە بێهداریی زیندانی ورمێ دەستی داویە خۆكوژی.

سەرچاوەیەكی ئاگادار لەو بارەیەوە رایگەیاند، عەلی محەممەدی بە هۆی بەدوادانەچوون بە پەروەندەكەی و ناڕەزایەتی دەربڕین بە حوكمەكەی دەستی دابۆیە مانگرتن لە خواردن و بەو هۆیەوە لەلایەن بەرپرسانی زیندانی ورمێ بۆ ژووری تاكەكەسی راگواسترابوو و پاشان بە هۆی خراپ‌بوونی دۆخی جەستەیی و دەروونی لە بێهداریی ئەو گرتووخانەیە بە خواردنی دەوا و دەرمان كۆتایی بە ژیانی خۆی هێنا.

عەلی محەممەدی خەڵكی كرماشان و دانیشتووی شاری تاران بوو كە ساڵی 1388ی هەتاوی بە تۆمەتی “سیخوڕی” دەستگیر كرابوو.

ناوبراو سەرەتا بە ئیعدام مەحكووم كرابوو كە دواتر حوكمەكەی بۆ 18 ساڵ زیندانی تەعزیری كەم كرایەوە.

بابەتی هاوپۆل

دوو حیزبی رۆژهەڵاتی كوردستان داوای یەكپارچەیی خاكی ئێران دەكەن

بەپێی ئەو بەڵگەنامەی لەتۆڕە كۆمەڵایەتییەكان بڵاوكراوەتەوە، دوو حیزبی رۆژهەڵاتی كوردستان رێكەوتننامەیەك واژۆ دەكەن كە لەگەڵ …