پێنج شه‌ممه‌ 29 شوبات 2024

سێ لایەنی کۆمەڵە لە قۆناغی کۆتایی یەکگرتنەوەدان

 سێ لایەنی “کۆمەڵەی زەحمەتکێشانی کوردستان و کۆمەڵەی شۆڕشگێڕ-هێڵی یەکگرتنەوە و رەوتی سۆسیالیستی کۆمەڵە” لە قۆناغی کۆتایی یەکگرتنەوەدان و ئەندامێکی هێڵی یەکگرتنەوە رایدەگەیەنێت، ئەو یەکگرتنەوەیە لە دژی هیچ لایەنێک نییە و تەنیا ئامانجمان دامەزراندنەوەی کۆمەڵەیەکی راستەقینەی کوردستانییە نەک کۆمەڵەیەکی خیاڵی”.

هیدایەت قادری، ئەندامی پێشووی کۆمیتەی ناوەندی کۆمەڵەی شۆڕشگێڕی زەحمەتکێشانی کوردستانی ئێران بۆ “وشە” دەڵێ: “ماوەیەکە لیژنەیەکی هەماهەنگیمان لە هەر سێ لایەن پێک هێناوە بۆ دانیشتن و باسکردنی چۆنیەتی یەکگرتنەوەمان و ئێستا گەیشتووینەتە قۆناغی کۆتایی و لە مانگی داهاتووڕا دەست دەککەین بە پێکهێنانی سمیناری هاوبەش بۆ قسەکردن لەسەر ناو و سیاسەتە گشتییەکانی ئەو حزبە یەکگرتووە”.

قادری ئامانجە سەرەکییەکانی یەکگرتنەوەی ئەو سێ لایەنە دەگەڕێنێتەوە بۆ: “یەک لە بابەتە سەرەکییەکان، تێپەڕاندنی ئەو میکانیزمە سیاسیی و رێکخستنانەی ئێستایە کە لە کۆمەڵەکاندا هەیە و لەسەر ئەوە کۆکین کە دەبێ کۆمیتەی ناوەندی خاوەنی بڕیار بێت و ئاگاداری هەموو وردەکارییەکانی ناو رێکخستنەکە بێت و ئەو تابۆیە تێپەڕێنین کە چەند ئەندامێکی مەکتەبی سیاسیی ئاگاداری رووداوەکان ببن و تەنیا کەسێک لەسەرەوە بڕیار بدات و کۆمیتەی ناوەندیش وەک خزمەتگوزارێکی بێ ئاگا لە بڕیار و رووداوە حزبییەکان دەور ببینێت”.

دووپاتیشی دەکاتەوە: “ئامانجی ئێمە لەو یەکگرتنەوەیە بوژانەوە و دامەزراندنەوەی کۆمەڵەیەکی راستەقینەیە بە بیروباوەڕێکی چەپی کوردستانی و نیازی دژایەتی کردنی هیچ لایەنێکی سیاسی رۆژهەڵاتمان نییە، هەر بۆیە فەزای دانیشتنەکانمان زۆر دۆستانە بەڕێوە چووە”.

لەناو ئەو سێ لایەنەدا تاکە لایەنێک کە حزب و دامەزراوە و رێکخستنی هەیە، کۆمەڵەی زەحمەتکێشانی کوردستانە و خاوەندارێتی تێکەڵبوونەوە لەو دۆخەدا دەکەوێتە سەر شانی ئەو حزبە و قادریش دەڵێ، تا پێکهێنانی کۆمەڵە ئێمە رێز لە سەروەری پێڕەو و پرۆگرامی ئەو حزبە دەکەین و ئاشکراشی دەکات: “لە کۆنفرانسەکانی مانگی داهاتووماندا ئامادەکاری بۆ ئەوە دەکەین بە زووترین کات کۆنگرە ببەستین، راستە ئێستا تەنیا کۆمەڵەی زەحمەتکێشانی کوردستان خاوەنی دامەزراوە و ئەساسنامەیە، بەڵام ئێمە لەو سیمینارانەدا دەستنیشانی ناوێکی تازە بۆ حزبە یەکگرتووەکە دەکەین، هەر ناوێکیشمان بۆ دەستنیشان کرد پاشگری کۆمەڵەی پێوە دەبێت و دەشبێ ئەو حزبە تەعبیر لە کۆمەڵەیەکی راستەقینە بکات کە بە درێژایی دامەزراندنی هی خەڵکی هەژار و چەوساوەی ناو خانووە قووڕاوییەکان بووە”.

 هیدایەت قادری روونیشی دەکاتەوە: ” کۆمەڵەی زەحمەتکێشان زۆر دۆستانە و بەوپەڕی سنگفراوانییەوە لە کۆبوونەوەکاندا بەشدار بووە و بەهۆی ئەوەی کۆمەڵەی شۆڕشگێڕان حزبیان هەیە و کۆنگرەیان گرتووە و خاوەنی پێڕەو و پڕۆگرامی ناوخۆن، لەکاتی تێکەڵبوونەوە تا بەرەو کۆنگرە دەچین، ئێمە رێز لە پێڕەوی ناوخۆ و دامەزراوەکانی ئەوان دەگرین”.
وشە/هەولێر- هیدایەت جان

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …